RIBADEO (FNC) .- O alcalde de Ribadeo, Fernando Suárez, remitiu outro escrito á Demarcación de Estradas do Estado en Galicia solicitando a celebración dunha xuntanza para ter información de primeira man do proceso de anulación do terceiro acceso á variante, así como dos prazos polos que se verán afectados os veciños expropiados.
O rexedor asegura que “a xente achégase ao Concello moi preocupada a preguntar que é o que teñen que facer, dado que é unha situación insólita para todo o mundo que sepa un pouco de dereito, que sepa un pouco do que son as actuacións normais dunha administración do Estado”. Suárez Barcia conta que “xa un pouco atendendo ás preocupacións que teñen os veciños afectados que foron expropiados no seu momento, e considerando que o Estado lles da un trámite de audiencia duns quince días, nós entendemos que é cativo ese prazo e así o facemos constar no novo escrito dirixido á Demarcación de Estradas á que lle pedimos que suspenda cautelarmente este prazo e en todo caso que se dea un máis amplo”.
Situación insólita
Fernando Suárez quere que “a Demarcación de Estradas do Estado e os seus responsables, ou aquí en Ribadeo ou na Coruña con presenza de asesores xurídicos tanto por parte deles como por parte nosa, manteñamos unha xuntanza para poder coñecer en profundidade cal é procedemento que se vai seguir e polo tanto despois que os afectados poidan estar debidamente asesorados e adoptar as decisión que consideren procedentes. Si esto se chega a levar adiante supoño que uns quererán que se lles devolvan os terreos previo ingreso da parte económica que recibiron anteriormente, e haberá outros veciños, como son algúns casos dos que coñezo, que non queren devolver ese diñero posto que eles foron coactivamente expropiados e estiman, e eu creo que teñen razón, que non teñen ningún dereito a que os obriguen a repoñer o diñeiro que lles foi ingresado”.
O alcalde engade que “o que lle pido é que á maior brevidade posible se celebra esta xuntanza para ter de primeira man datos sobre o procedemento, sobre os prazos, e condicións no seu caso, para o exercizo desta reversión previa desafección dos bens referidos e que se suspenda o procedemento iniciado”. Fernando Suárez insiste en que “estamos diante dunha situación insólita, por máis que falamos nas últimas horas con técnicos e con xurídicos, a verdade é que a xente non da crédito a esta situación de cómo unha obra, si lle faltaba algún permiso, se puido licitar, adxudicar e como se puido chegar a declarar unha urxente ocupación dos terreos, a pagar os terreos expropiados e que logo de boas a primeiras se queira rescindir todo o proceso”.
Fernando Suárez suliña que “no primeiro escrito que lle enviamos onte á Demarcación de Estradas de Galicia facemos referencia a que ese diñeiro que estaba preparado para investir nesta obra se quede en Ribadeo, que se busquen alternativas para seguir dando un acceso central á circunvalación sobre todo para os tráficos pesados das parroquias do interior, e no que ten que ver cos afectados que desde o Concello poidamos ter información suficiente, verídica e seria para que os veciños adopten as decisións que consideren oportunas”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
