A MARIÑA .- Dentro do grande debate sobre a educación que se está a vivir na sociedade galega e española nos últimos meses, o Observatorio da Mariña pola Igualdade propón abordar o tema A SEGREGACIÓN POR SEXOS NAS AULAS nas cuartas charlas-café “FALEMOS DE…”, que terá lugar este venres días 9, a partir das 20 horas, no Restaurante LA CARACOLA de Foz (Emilia Pardo Bazán, 12 – moi preto da praia da Rapadoira).
As encargadas de compartir o seu punto de vista “FALEMOS DE… A SEGREGACIÓN POR SEXOS NAS AULAS” serán Ana Sánchez Bello, doutora en psicopedagoxía, profesora titular da Facultade de Ciencias da Educación da Universidade da Coruña, experta en coeducación e con numerosas publicacións sobre o tema, e máis Dores Fernández Abel, secretaria comarcal da CIG-Ensino.
O ciclo de charlas FALEMOS DE… é unha actividade a través da que periodicamente se debaten en diferentes vilas da comarca sobre temas relevantes para avanzar na igualdade de xénero. Así pois, a iniciativa ten como propósito de dar a coñecer as problemáticas que afectan de forma específica ás mulleres da comarca, enfocando a realidade da nosa contorna desde unha perspectiva de xénero que teña en conta as particularidades coas que mulleres e homes vivimos cada situación social. Por este motivo, están abertas e dirixidas a toda a cidadanía (mulleres e homes).
A actividade resulta innovadora de seu na nosa comarca, pero ademais presenta o aliciente de ter un formato ameno e participativo. Así, lonxe do formato de conferencia convencional, o ciclo de charlas-café FALEMOS DE… busca a interacción das relatoras cos homes e mulleres do público nun ambiente agradábel e acolledor, onde ao mesmo tempo que se escoitan as intervencións se poida tamén tomar unha consumición.
Contamos coa súa presenza e agradecemos máxima difusión.
Logo de ter tratado temas como “A repercusión da crise económica nas mulleres” en Ribadeo, “O aborto a debate” e “Mulleres no Deporte” en Burela, neste ocasión é quenda de ir a Foz. Nas vindeiras semanas celebraranse novas charlas-café noutras localidades mariñás, nas que se abordarán temas como “Xénero e Idioma” en San Cibrao, e “A endometriose, a enfermidade que afecta ao 10% das mulleres” de novo en Ribadeo.
No acto participará tamén David Cortizo, en representación de Editorial Galaxia. A actividade está organizada pola libraría África Copias.
O corte afectará ao tramo comprendido entre os puntos quilométricos 19,765 e 22,933. As obras, executadas pola empresa OVISA Pavimentos y Obras S.L.U., contan cun investimento da Deputación de Lugo de preto de 190.000 euros.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. No acto de apertura servirase un viño acompañado dun pequeno aperitivo.
O colectivo denuncia que, tras anos de espera, continúa sen obter unha resposta xusta ás súas reivindicacións e esixe o recoñecemento da súa categoría profesional, unha reclasificación acorde coa súa cualificación e unha retribución inmediata e adecuada ás súas funcións. Os profesionais reclaman tamén axilidade nas solucións, lembrando que levan demasiado tempo entre promesas incumpridas e parálise administrativa.
A iniciativa, impulsada por Pilar García Porto para celebrar o Día da Transrománica, desenvolveuse en cinco xornadas con 16 rutas guiadas e gratuítas que puxeron en valor o patrimonio románico da provincia. A alta demanda en concellos como Taboada, Sober, Antas de Ulla, Viveiro ou Pantón confirma o interese polo turismo cultural e avala o modelo da Deputación, baseado na valorización do patrimonio como motor económico e social. As rutas permitiron descubrir o románico das Terras da Ulloa, da Ribeira Sacra e da capital lucense, consolidándose como unha proposta estable dentro da estratexia turística provincial.
Nesta edición interpretará obras de Haydn e Chopin, ademais de presentar composicións propias nun programa íntimo e especial que xa se converteu nun encontro imprescindible cada ano. Ao rematar, ofrecerase un brinde e aperitivo para todos os asistentes. As entradas están á venda e pódense reservar no teléfono 644 69 42 80.
Celebrarase o venres 29 de maio ás 17:00 h e será gratuíta. Abordará o papel dos poliquetos no ecosistema mariño, as súas características e os riscos do uso de especies exóticas, con proxeccións e maquetas de varias especies empregadas como cebo. Impartiraa o grupo BIOCOST da Universidade da Coruña e está organizada por Posta de Encontro xunto con RedeMar, Xunta de Galicia, Federación Galega de Confrarías e a UDC. Reservas: WhatsApp no 634 97 08 86; 982 13 19 23; buenas@capturaspesca.com ou directamente na tenda Capturas Pesca, onde se celebrará o evento (Av. Leopoldo Calvo Sotelo 49, Ribadeo).
