Lourenzá, 19 de setembro de 2015.- O cartel da XXV edición da Festa da Faba de Lourenzá, obra do artista alfocense Hipólixo Xeada, foi presentado este sábado pola alcaldesa, Rocío López García; o concelleiro de Cultura, Manuel Arango Ron; e o edil de Festas, Francisco Dasilva Rivas. O festexo, que se celebrará do 2 ao 4 de outubro, será pregoado polos laurentinos Xosé López González e José María García Fernández. Ademais o goberno local anunciou hoxe que o primeiro mercado semanal de venta de fabas desta tempada desenvolverase o vindeiro domingo, día 27.
Sobre o autor do cartel, Hipólito Xeada, os responsables municipais explicaron que se trata “dun pintor de recoñecido prestixio, profeta na súa terra, un alfocense que pode presumir de contar cunha exposición permanente e ser o artífice da escultura que adorna o centro de San Cibrao. É un dos pintores máis recoñecidos da comarca, un talento innato que fomentou formándose en escolas profesionais. Comezou os seus estudios en talla de madeira, modelado, debuxo e pintura no colexio de xordos de Santiago de Compostela baixo a man dos grandes mestres Acuña e Bonome. En 1975 ingresou na Escola de Artes Aplicadas Ramón Falcón,de Lugo, onde opten a cualificación de sobresaínte. A partir daquel momento presentouse a numerosos concursos acadando grandes premios de recoñecido prestixio, e expoñendo a súa obra por toda Galicia”.
E sobre os pregoeiros a organización anunciou que “os laurentinos Xosé López González e José María García Fernández serán os encargados de pregoar esta festa, acto que se levará a cabo o sábado, día 3, na Praza do Conde Santo ás 12:30 horas. Sentímonos profundamente honrados con que estes artistas participen nun evento deste tipo, xa que teñen mérito de sobra para facelo. Xosé López González, coñecido entre os do seu pobo como Pepe Celeirao, é unha persoa vinculada coa vida cultural do seu pobo natal dende a súa infancia e xuventude; de todos é coñecida a súa labor a pro do teatro de Lourenzá. Así mesmo, xunto con outros laurentinos, é un estudoso da figura de Francisco Fernández del Riego, ao cal, xunto con Manuel Román Ramos, lle dedicou varias publicacións. O venres, día 2, como preámbulo desta edición da Festa da Faba temos o pracer de que Xosé, xunto o outro dos nosos pregoeiros, José María García, presenten o libro Xoguetes naturais de outono e inverno. Estes dous autores están involucrados nun importante proxecto de recuperación dos antigos xogos e xoguetes que se poden descubrir a través dos libros que levan publicados: Xoguetes esquecidos, Xoguetes naturais de primavera e verán e Xoguetes naturais de outono e inverno”.
Mercados dominicais de fabas
Ademais o goberno municipal de Lourenzá anunciou hoxe que o primeiro mercado semanal de venta de fabas desta tempada terá lugar o vindeiro domingo, día 27 de setembro.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
