Ribadeo, Porta norte, din. Nese caso, o marco da porta é a ría, a ría de Ribadeo. E un dos piares de asento da ría é a illa Pancha. Un dos algo que mantén a identidade de Ribadeo a traverso da historia, un algo común.
Común era cando no século XIX (1857) se levantou o primeiro faro, unha instalación de servizo comunitario feito con cartos públicos (é dicir, de todos, ao través de institucións de xestión) e así seguiu a desenvolverse nas diferentes modificacións sofridas dende entón.
Mais, sendo común, hai tempo que se furtou á comunidade o uso de certas partes para o seu desfrute. Non a súa luz, senón o seu acceso. Iso facilitou, ó deixar de ser usado o edificio principal da illa, que se fora deteriorando no esquecemento, que se vira como algo alleo por moita xente, aínda que siga a ser a porta da porta de Galicia, un lugar icónico, de moitas lembranzas non só para mariñeiros.
E así chegamos á situación actual:a dependencia dun organismo estatal fai posible a inclusión da illa nun plan que pretende recadar cartos por medio da cesión temporal do espazo para uso privado.
Noutro lugar (Xábia), a comunidade levantouse, e con ela, os seus representantes no concello, e a disposición a nivel estatal quedou sen efecto, e o faro será destinado ó futuro da comunidade. Noutros, puxéronse en marcha co cambio político municipal (Portocolom, Sóller) e están loitando nun sentido parello.
En Ribadeo, descubrimos que podía haber cambios en relación ó faro hai máis dun ano, co mecanismo burocrático en marcha, e xa pasado o prazo de reclamación ante a petición que aproveitaba a posibilidade de arrendamento. A cousa quedou sen grande repercusión ata o anuncio de que ía haber unha concesión en firme.
Hai cousas que pode ser difícil controlar: unha disposición a nivel estatal é difícil que chegue a toda a xente se non se lle da adecuada difusión. E en Ribadeo non só non se lle deu difusión ó ser concibida a norma xeral, senón que tampouco se soubo da súa aplicación á illa Pancha, máis aló dunha nota perdida nun taboleiro ateigado fóra de tempo para reaccionar, nin se fixo nada por achegar a información ós ribadenses. A información estaba en Ferrol, e nada de internet nin modernidades desas. Tampouco queda Ribadeo preto de Madrid, salvo que se teñan contactos, para estar previdos. Por último polo momento, tampouco, unha vez percibido o alcance do tema, e xa procurando máis que nada información sobre a postura do concello para ver os apoios recibidos, se sabe nada de informes emitidos, pedidos tanto de xeito individual como por algunha asociación de veciños (rexistro de entrada 2015-E-RC-8223, 14 de xullo).
Non sei en que rematará todo, nin cando, pero estou vendo o que está a suceder: teña razón ou non, a xente non conta, non está a ser nin considerada, mentres un ben común, patrimonio ribadense, está a pasar a depender da vontade privada.
… Continuará.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
