Lugo, 21 de setembro de 2015.- A presidenta da Deputación, Elena Candia, e o deputado delegado de Turismo, Carlos Armesto, presentaron este luns a XIX edición da mostra de artesanía Artesanfroilán Destino Artesanía, que abrirá as súas portas ao público o próximo venres día 2 de outubro, ás 17:30 horas, e terá continuidade ata o día 12. Consideran esta mostra como “un magnífico escaparate para a promoción e posta en valor do sector artesanal”.
A mostra, cuxa entrada é de balde, poderá visitarse en horario de 11 a 14 horas e de 17 a 22 horas, na Praza Anxo Fernández Gómez, baixo unha estrutura temporal tipo stands, nos que exhibirán as súas coleccións 21 artesáns da provincia de Lugo cunha produción e creación propia.
Novidades da XIX edición de Artesanfroilán
O deputado responsable do Centro de Artesanía e Deseño, organizador da mostra, explicou que este edición do Artesanfroilán presenta unha serie de novidades. Por primeira vez os participantes non pagarán unha taxa polo uso dos stands. Ata agora os artesáns debían abonar 350 euros por expoñer a súa mostra. A maiores, estase a integrar a participación de representantes artesáns na organización da mostra co obxecto de crear unha “canle aberta, de participación e de comunicación permanente co sector artesanal, a través da que nos fan traslado das súas inquedanzas e suxestións, xerando un feedback necesario entre a entidade pública e o sector privado”, explicou Armesto.
O principal obxecto desta edición é promover unha liña de turismo activo ao redor dos obradoiros visitables, polo que á hora de seleccionar aos 21 participantes (que se elixirán entre as solicitudes recibidas segundo as bases publicadas no BOP do 10 e 11 de setembro), valorarase positivamente a aqueles artesáns que teñan abertas as súas instalacións para visitas guiadas. Polo tanto, por primeira vez desbótanse os criterios económicos como fundamento para a selección dos participantes.
A mostra reservase a artesáns da provincia de Lugo e xunto aos stands dos participantes, haberá tamén outro reservado para a organización onde, ademais da cumprida información sobre o sector artesanal lucense, tamén se facilitará material promocional de Artesanía de Galicia e información sobre a aplicación para dispositivos móbiles, os chamados ‘Obradoiros Abertos’. Esta aplicación permite acceder de xeito inmediato á información sobre artesanía en calquera punto.
Compromiso da Deputación co sector artesanal
O deputado asegurou que esta mostra é a evidencia do compromiso real da institución co sector ao que Armesto definiu de “suma importancia para a nosa provincia ao incidir positivamente nas áreas de emprego, medio rural, promoción da muller e medio ambiente”. Ademais, o responsable do Centrad considera a este sector como un “instrumento primordial na dinamización da cultura autóctona, promovendo a integración, a cohesión e autoestima da poboación e construíndo a atracción dun turismo de calidade”.
Na presentación celebrada este luns estiveron presentes representantes da Asociación proa de Viveiro, do colectivo da Mariña Obradoiros con Alma, da Asociación de Artesáns da Terra Chá, da Asociación de Artesáns Terra de Lemos, da Asociación Artellando, da Asociación Artelar e do colectivo da Cova da Moura da Montaña lucense.
Por último, a mostra Artesanfroilán Destino Artesanía, que supón un investimento de 23.900 euros, conta este ano coa colaboración da Xunta de Galicia a través de Artesanía de Galicia e da Asociación Galega de Artesáns.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
