Cervo, 5 de outubro de 2015. Cervo instalará dous pasos elevados nas inmediacións do centro de saúde e do instituto de San Cibrao, segundo ven de anunciar o alcalde, Alfonso Villares. Van substituír aos xa existentes nesa estrada, que é titularidade da Deputación Provincial de Lugo. O obxectivo é “velar pola seguridade dos peóns” que transitan por esa zona.
O rexedor explicou que “hoxe empezaron uns traballos que se están a executar na estrada que é titularidade da Deputación Provincial e que pasa fronte ao centro de saúde de San Cibrao e polo instituto de San Cibrao. Estes traballos estaos a executar a Deputación e consisten na instalación dunhas proteccións peonís”.
Alfonso Villares dixo que “previamente os traballos que se van facer son eliminar un paso elevado de peóns, que existe na actualidade. É de formigón, está algo agretado e produce unha serie de vibracións. E tamén fronte ao instituto hai unhas bandas redutoras e a maior parte delas atópanse arrincadas e polo tanto non producen o efecto para o que estaban instaladas”.
O alcalde de Cervo contou que “no seu lugar, preto do centro de saúde e do instituto de San Cibrao, vanse instalar dous pasos elevados de peóns de aglomerado asfáltico, a diferenza dos que había na actualidade”.
Villares Bermúdez considera que “son actuacións polas que temos que mirar, porque tentan reducir a velocidade dos vehículos en tramos urbanos e sobre todo para velar pola seguridade dos peóns. En San Ciprián xa temos instalado, desde hai anos, varios pasos elevados e durante este ano imos acometer o cambio de bastantes deles. Comezamos esta semana, grazas á colaboración da Deputación Provincial, colocando estes dous, sempre para velar pola seguridade dos peóns que transitan polas nosas estradas”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
