Manuel Arango Ron.- Sra. Álvarez, hai nun coñecido programa de televisión unha sección titulada “Maldita hemeroteca”, que lle recomendo que vexa algunha vez para que se decate de que debemos ser moi prudentes cando facemos declaracións públicas para que despois estas non se volvan na nosa contra.
Queixouse vostede, en numerosas ocasións e en distintos medios, do abandono e da falta de axudas que sufriu o concello de Lourenzá durante o goberno provincial do Sr. Besteiro.
Tivo vostede nestes meses de goberno popular na Deputación, desde o seu posto de asesora da presidencia, de corrixir este suposto agravio e perdeu vostede a oportunidade de facelo.
Recentemente o goberno provincial repartiu unha morea de cartos entre os concellos que, segundo vostedes, foran maltratados polo goberno anterior. Cando apareceu esta noticia na prensa, algúns, entre os que me atopo, buscamos rapidamente a páxina do periódico coa certeza de que Lourenzá aparecería no listado de concellos “equilibrados” con estas axudas. Pero non foi así. ¿Actuou vostede de asesora neste caso? ¿Que argumentos pode esgrimir agora, Sra. Álvarez?
Durante os anos de goberno do Sr. Besteiro realizáronse obras no concello de Lourenzá grazas ao traballo d@s concelleir@s socialistas que estaban na oposición municipal. ¿Non foi vostede capaz de conseguir ningunha actuación da Deputación para o noso municipio?
¿Como pode vostede agora dicir que son responsabilidade do goberno actual as obras pendentes de realización por parte da Xunta ou do Goberno central?
Acórdese vostede (“Maldita hemeroteca”) que manifestou que a reparación das pontes era cousa de días, que había unha promesa de Fomento para solucionar o tema das inundacións producidas polos fallos na execución das obras da autovía, que estaba negociando con Patrimonio a restauración do mosteiro, etc., etc… (Mesmo se interesaba vostede pola sinalización antinéboa da autovía, que xa estaba feita).
Agora presenta vostede unha moción no Concello instando ao goberno provincial para que conceda unha axuda para a Festa da Faba… pero para a edición de 2016. No pasado mes de agosto xa se solicitou unha para a edición deste ano. ¿Que asesorou vostede neste caso? ¿Cal foi a resposta?
Sra. Álvarez, está vostede deslixitimada para facer oposición e dar leccións de benfacer político. Vende vostede fume.
Do seu labor como alcaldesa xa opinaron @s veciñ@s de Lourenzá.
Do seu labor como asesora da presidenta da Deputación aos feitos me remito. ¿Que fixo vostede por Lourenzá?
Sra. Álvarez, ex-asesora da Deputación Provincial, de parte d@s veciñ@s de Lourenzá: ¡GRAZAS POR NADA!
Manuel Arango Ron, voceiro do grupo municipal socialista de Lourenzá.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
Estivo arroupado nun salón de actos repleto de xente.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
