O PSOE pronúnciase sobre a proposta de ubicación dunha nova depuradora no concello de Foz

Foz a 19 de Outubro do 2015.- Reunida a executiva local e o grupo municipal do Partido Socialista de Foz, para estudar a proposta de ubicación dunha nova depuradora en Forxán, nos límites das parroquias de San Martiño e Fazouro, queremos facer públicas as seguintes consideracións:

1.- O PSdeG de Foz quere resolver o tema da depuradora de Foz, os cheiros, o mal funcionamento da mesma e a contaminación de ría de Foz. Pode haber quen estea tan interesado como nós en resolver este tema, pero non máis.

2.- O PSdeG de Foz non está detrás de ningún veciño que poida mostrar desencanto coa devandita ubicación, como alguén se encargou de dicir. O PSdeG de Foz respecta a opinión de todos e cada un dos veciños, neste e en todos os temas.

En todo caso, o PSdeG de Foz, quere reunirse cos veciños de Forxan e de Fazouro para coñecer de primeira man a súa opinión ao respecto desta cuestión.

3.- Queremos saber si neses terreos é posible facer esa infraestrutura. Eses terreos están catalogados como “solo rústico de especial protección agropecuaria”. E queremos saber si con esa calificación é posible facer unha depuradora, ou si ten que ser dotacional. Tamén queremos saber si está modificación é posible e o tempo estimado en levar a cabo este cambio de calificación.

4.- Desexamos saber si existe a dispoñibilidade destes terreos, ou si hai que acudir a unha expropiación.

5.- Pedimos que, por parte dos técnicos municipais, se faga un anteproxecto de viabilidade da localización proposta; e solicitar ás administracións afectadas (Xunta, Feve, Fomento, Costas, Medio Ambiente, etc) que informen da viabilidade.

6.- Necesitamos coñecer unha valoración económica do que resulte da ubicación proposta, necesaria para comparar coas ubicacións xa coñecidas.

7.- Para nós esta proposta de ubicación é como calquera outra. Debe ser valorada e estudada convenientemente dende diversos aspectos: técnico, económico, ambiental, etc. E sendo serios, non podemos, nin queremos manifestarnos ata ter a información necesaria para tomar unha decisión.

8.- Toda vez, que no mellor dos casos a construción e posta en marcha da nova depuradora vai levar varios anos, queremos saber que medidas e melloras se van a levar a cabo na depuradora actual do porto de Foz para mellorar o seu funcionamento.

9.- Ao PSdeG de Foz, non lle gusta como está a levar este tema o Alcalde. Anunciando consensos antes de que estes teñan lugar e acadando compromisos antes de falar cos concelleiros dos outros grupos da Corporación.

Actúa sen contar para nada coa oposición ata que non queda mais remedio e coa pretensión que lle dean un cheque en branco. Este non é o talante nin a colaboración que anunciou e pediu no pleno de investidura.