Burela, 23 de outubro de 2015.- Vista Alegre volve vestirse de festa para acoller o segundo derbi irmandiño no que vai tempada. O Burela FS Pescados Rubén recibirá o Cidade das Burgas este sábado (18.30 horas), que chega cargado de moral logo de conseguir a súa primeira vitoria e por goleada. A cita poderá seguirse en directo por streaming coa colaboración de Ramón González e Ignacio Meitín, na seguinte ligazón: https://www.youtube.com/watch?v=HIUgi1POAc8
A escuadra mariñá continuou coa súa concentración habitual para non deixar escapar nada. “Foi outra semana de traballo duro, nesta liga calquera rival pode sorprender, non podemos confiarnos” aseguraba Andrea, un dos reforzos da portería laranxa en 2015-16, que se estreou baixo os paus a domicilio a semana pasada en Majadahonda (1-4).
As ourensás chegan a Burela na undécima praza, con 4 puntos, nun inicio tatexante, aínda que o triunfo ante Móstoles (9-4) lles proporcionou un extra de motivación; antes só puidera puntuar fronte a Roldán (44-). “O ano pasado realizou unha tempada sorprendente; chegarán con moitas ganas de demostrar do que son capaces, sobre todo logo da última xornada” advertía a gardameta laranxa.
Andrea adaptouse á perfección á tranquilidade de Burela e ao día a día do equipo. “Notei o cambio sobre todo no aumento das sesións, pero foi unha adaptación doada porque estou rodeada dun gran grupo” recoñecíase así a gusto a levantina en terras mariñás, con ganas de seguir medrando co Burela FS: “As sensacións sobre a pista están sendo moi boas. En Vista Alegre, cando saín como titular, xurdiu certo nerviosismo loxicamente, pero estou traballando con moitas ganas. É moi reconfortante que o corpo técnico conte coas tres porteiras e nos dea minutos ás tres; ten confianza en todas” declaraba a meta sobre a súa repartición de responsabilidades con Jozi e Eva.
Convocatoria CD Burela FS Pescados Rubén: 1. Jozi, 5. Claudia, 7. Peque, 9. Gaby, 10. Lara, 11. Ceci, 13. Andrea C., 14. Bea Mateos, 17. Maite, 18. Shiori, 31. Eva
Convocatoria Cidade das Burgas: 2. Candela, 4. Ana, 5. Nerea Lorenzo, 7. Albiña, 8. María Arias, 9. Sonia, 10. Iria, 11. Nahir, 14. Nerea García, 15. Lucía Nespereira, 17. Antía, 19. Vanessa
Peque, con España
A 7 laranxa foi convocada outra vez coa Selección Española para a concentración da próxima semana en Navalcarnero e Las Rozas. A Vermella disputará amigables con Hungría o martes 27 e mércores 28, ás 20.00 horas. Máis información en www.sefutbol.com
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
