Lugo 30 de outubro de 2015.- O presidente de Novas Xeracións do Partido Popular en Lugo, Daniel Vega, e o presidente de Novas Xeracións de Galicia, Diego Gago, xunto con outros integrantes da formación xuvenil, visitaron a Gandería Casa Anxel no Concello da Pastoriza.
Os mozos populares comprobaron de primeira man o traballo que está a realizar esta gandería, onde non só se produce o leite, senón que tamén se transforma e se comercializa, rematando así a cadea de produción.
O presidente provincial da organización político-xuvenil aposta dunha maneira clara e decidida pola gandería e agricultura, destacando “a vital importancia deste sector para o conxunto da sociedade e economía da provincia de Lugo”.
Vega aproveitou esta visita para lanzar a seguinte mensaxe, poñendo de exemplo á Gandería Casa Anxel, “o gandeiro non pode ser empresario só ata o tanque de leite, ten que crer tamén na transformación e comercialización do produto, para non ser simples asalariados da industria”.
Pola súa banda, o presidente de Novas Xeracións de Galicia aproveitou esta xornada para por en valor e defender ao sector leiteiro nun momento de verdadeiras dificultades para o mesmo, e quixo manifestar “a súa solidariedade pola loita cara un prezo sostible do leite no tempo”.
Gago anunciou que a organización que preside transmitiralle ao Partido Popular de Galicia para que inste á Xunta de Galicia a axudar a que os mozos e mozas continúen a traballar no sector primario e do leite, e que as axudas para o emprendedurismo non decaian.
Con esta visita, os mozos e mozas de Novas Xeracións demostran o seu compromiso claro e rotundo cun sector clave para a provincia de Lugo e para o conxunto de Galicia, como é o sector gandeiro.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
