Viveiro, 29 de outubro de 2015.- Bernardo Fraga Galdo con domicilio a efectos de notificación en Avda. de Ferrol nº20 Entrechán 20-A, en nome e representación do Grupo Municipal do Bloque Nacionalista Galego de Viveiro, e conforme á lexislacion vixente, presenta ao Pleno da Corporación Municipal de Viveiro a seguinte:
MOCIÓN PARA A DECLARACIÓN DO CASCO ANTIGO DE VIVEIRO COMO CONXUNTO HISTÓRICO.
O Casco Histórico de Viveiro, conta cun Plan Especial de Protección e Reforma Interior(PEPRI) aprobado no ano 1997, e que foi o documento clave para invertir a tendencia autodestrutiva do Casco Histórico de Viveiro. O PEPRI conseguiu que hoxe en día, o Casco Histórico de Viveiro, teña centos de vivendas reformadas ou rehabilitadas, conforme a uns criterios construtivos e unha tipoloxía propia, característica da historia da nosa Cidade.
A singularidade do Casco Histórico de Viveiro, non está sin embargo recoñecida polos organismos da Xunta de Galicia, como así debería de ser.
A Lei 9/1995, do 30 de outubro, do patrimonio cultural de Galicia establece a definición de Conxunto Histórico no seu artigo 8 4.b. Conxunto histórico, a agrupación de bens inmobles que forman unha unidade de asentamento, continua ou dispersa, condicionada por unha estructura física representativa da evolución dunha comunidade humana, por ser testemuño da súa cultura ou constituír un valor de uso e gozo para a colectividade, aínda que individualmente non teñan unha especial relevancia.
Conforme a esta descripción, queda claro que o Casco Histórico de Viveiro, posúe as condicións aprobadas para ser declarado Conxunto Histórico.
No apartado 1 do artigo 45 da citada lei, establece “A declaración dun conxunto histórico determinará a obriga para o Concello no que se atope de redactar un plan especial de protección da área afectada. A aprobación definitiva deste plan requirirá o informe favorable da Consellería de Cultura, que se entenderá positivo transcorridos tres meses desde a súa presentación”. No caso do noso Concello, o Plan de Protección xa se atopa realizado posto que temos en vigor o PEPRI de 1997.
A día de hoxe, para realizar unha actuación dentro do Casco Histórico de Viveiro, é preciso realizar unha solicitude á Dirección Xeral de Patrimonio para a autorización das obras, sexan maiores ou menores, co coste económico e de prazos de execución dos traballos que isto supón para as nosas veciñas e veciños.
A lei 9/1995 establece nesta cuestión, no parágrafo 2 do artigo 47 “Unha vez aprobado definitivamente o plan especial de protección, os concellos serán competentes para autoriza-las obras que o desenvolven, incluídas as dos contornos dos monumentos declarados, e deberanlle dar conta á Consellería de Cultura das licencias concedidas nun prazo máximo de dez días. En todo caso, as intervencións arqueolóxicas requirirán a autorización da Consellería de Cultura”
A Declaración de Conxunto Histórico, recoñecería o valor artístico, cultural, arquitectónico, patrimonial e histórico do Casco Antigo de Viveiro, un recoñecemento da identidade cultural galega e do valor propio do noso Casco.
Ademais a Declaración, simplificaría a tramitación de autorizacións, a fin de facilitar ás veciñas e veciños de Viveiro, a realización de actuacións que continúen na senda de renovación e reforma do Casco Histórico de Viveiro.
Por iso solicitamos ao Pleno Municipal de Viveiro, a aprobación da seguinte MOCIÓN:
1. SOLICITAR Á XUNTA DE GALICIA E A CONSELLERÍA DE CULTURA, A DECLARACIÓN DE CONXUNTO HISTÓRICO PARA O CASCO ANTIGO DE VIVEIRO.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
