O grupo socialista do Vicedo presenta un rogo sobre as axudas de transporte ao alumnado que estuda fóra do concello

O Vicedo, 26 de outubro de 2015.- Vicente César Parapar Carreja, concelleiro do Partido dos Socialistas de Galicia (PSdeG-PSOE) , o abeiro do disposto no artigo 97.6 do RD 2568/1986, do 28 de novembro (Administracións Públicas), polo que se aproba o regulamento de organización, funcionamento e réxime xurídico das entidades locais veño a plantexar ós órganos de goberno o seguinte ROGO, en base ós motivos e consideracións recollidos na seguinte

EXPOSICIÓN DE MOTIVOS

Entre os documentos a presentar polos rapaces e rapazas solicitantes de AXUDAS DE TRANSPORTE Ó ALUMNADO DO CONCELLO DO VICEDO QUE REALICE ESTUDIOS FÓRA DO TERMO MUNICIPAL (CURSO ACADÉMICO 2014-2015), está a Fotocopia do DNI do/a solicitante, debidamente cotexada coa súa orixinal.
A realidade é que a maioría dos rapaces e rapazas que están en disposición de poder solicitar estas axudas están fora do concello durante toda a semana (veñen os venres pola noite e vanse os domingos pola tarde), o que implica que non están neste concello nos horarios de atención ao público do concello, co que lles resulta bastante complicado o cotexar a fotocopia do documento nacional de identidade a non ser que o fagan sen ser de xeito gratuíto.

A Lei 30/1992, de 26 de novembro, de Réxime Xurídico das Administracións Públicas e do Procedemento Administrativo Común di, no seu artigo 35. Dereitos dos cidadáns.

Os cidadáns, nas súas relacións coas Administracións Públicas, teñen os seguintes dereitos:
f) A non presentar documentos non esixidos polas normas aplicables ao procedemento de que se trate, ou que xa se encontren en poder da Administración actuante.

O REAL DECRETO 522/2006, de 28 de abril, polo que se suprime a aportación de fotocopias de documentos de identidade nos procedementos administrativos da Administración Xeral do Estado e dos seus organismos públicos vinculados ou dependentes di:

Artigo único.

Comprobación de datos de identidade nos procedementos administrativos.

1. Nos procedementos cuxa tramitación e resolución corresponda á Administración Xeral do Estado ou aos organismos públicos vinculados ou dependentes de aquela, non se esixirá a efectos de comprobación dos datos de identificación persoal, a quen teña a condición de interesado, a aportación de fotocopias do Documento Nacional de Identidade.
O disposto no paragrafo anterior será, así mesmo, aplicable ao documento acreditativo da identidade ou tarxeta equivalente dos estranxeiros residentes no territorio español, expedido polas autoridades españolas de conformidade co establecido na Lei Orgánica 4/2000, de 11 de xaneiro, sobre Dereitos e Liberdades dos Estranxeiros en España e a súa Integración Social.
2. A comprobación ou constancia dos datos de identidade dos que teñan a condición de interesado en ditos procedementos administrativos a que se refire o apartado anterior realizarase de oficio polo órgano instrutor, de acordo cos datos de identificación que obren nos seus arquivos, bases de datos ou outros fondos documentais.
3. Sen prexuízo do disposto no apartado anterior, nos procedementos para cuxa tramitación sexa imprescindible acreditar de modo fehaciente datos persoais incorporados aos documentos de identidade dos que teñan a condición de interesado, o órgano instrutor poderá comprobar tales datos mediante un Sistema de Verificación de Datos de Identidade. En todo caso será preciso o consentimento do interesado para que os seus datos de identidade persoal poidan ser consultados por este sistema polo órgano instrutor, debendo constar dito consentimento na solicitude de iniciación do procedemento ou en calquera outra comunicación posterior. A tal efecto, a prestación do consentimento do interesado poderá facerse constar expresamente no recibo de presentación da solicitude.
Si da comprobación efectuada resultara algunha discordancia cos datos facilitados polo propio interesado, o órgano instrutor estará facultado para realizar as actuacións procedentes para aclarala.
En calquera caso, si o interesado non prestara o seu consentimento deberá aportar fotocopia do documento ou tarxeta de identidade correspondente, sendo a non aportación daquéla causa para requirirlle de conformidade co disposto no artigo 71.1 da Lei 30/1992, de 26 de novembro, de Réxime Xurídico das Administracións Públicas e do Procedemento Administrativo Común.

É por isto que este concelleiro ven a plantexar ós órganos de goberno o seguinte

ROGO:

Se proceda, coa maior urxencia posible, a tomar as medidas oportunas para facilitar a solicitude destas axudas por parte dos rapaces e rapazas deste concello.
Unha proposta sería que os que xa as solicitaran en anos anteriores non tiveran que presentar a fotocopia do DNI cotexada en tanto non houbera modificacións ou variacións no mesmo.