Foz, 9 de novembro de 2015. A corporación municipal focense celebrará un pleno extraordinario e urxente este mércores ás 20.30 horas para aprobar a redución dun 10 por cento no coeficiente de aplicación do Imposto de Bens Inmobles (IBI) para o vindeiro ano 2016. O alcalde, Javier Jorge Castiñeira, destaca que así Foz seguirá sendo un dos concellos da Mariña coa contribución máis baixa, debido a que o coeficiente de aplicación é moi reducido.
O rexedor municipal explicou que “hoxe convocouse á corporación municipal a un pleno extraordinario urxente para este mércores ás oito e media da tarde. O único punto da orde do día é a rebaixa do coeficiente de aplicación do IBI ou contribución para que sexa xa de aplicación no exercicio 2016, tal e como me comprometín no anterior pleno ordinario. Unha vez feito xa o informe por parte dos servizos de Recadación e de Intervención, vendo que é posible esta rebaixa do coeficiente nun 10 por cento, do 0,60 ao 0,54, levarase a pleno para que sexa aprobado e despois sexa publicado e no prazo dun mes entre en vigor antes do 31 de decembro para que poida así aplicarse no ano 2016”.
Javier Castiñeira engadiu que “con isto cúmprese un compromiso por parte do goberno municipal e nese proceso de revalorización catastral das parcelas vai tamén a vontade do goberno de non aplicar o 10 por cento que establece o Ministerio por lei, polo que se pasaría do 0,60 ao 0,66, senón ao contrario. Dado que estamos nun proceso de revalorización podemos diminuír o 0,60 ao 0,54, o que supón aproximadamente uns 200.000 euros que se deixan de ingresar nas arcas municipais. Pero si é ben certo que o proceso de revalorización ao final compensa practicamente unha cantidade coa outra”.
O alcalde rematou comentando que isto demostra “a voa vontade do Concello e espero que as dúbidas que había no seu momento por parte da oposición agora queden solucionadas e se lle dea para diante neste próximo pleno á aprobación desta rebaixa no coeficiente que regula o pago da contribución ou IBI para o ano 2016”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
