Ribadeo, 10 de novembro de 2015.- O Concello acatará unha sentenza favorable ao ex sepultureiro municipal, aínda que non a comparte, porque “esa persoa non cumpriu co seu traballo”, segundo sinala o alcalde, Fernando Suárez. Ao seu xuízo a sentenza non entra no fondo da infracción pola que se lle abriu expediente disciplinario a ese traballador municipal.
O rexedor quixo dar conta “dunha sentenza da que tivemos coñecemento hai moi poucos días, na cal se falla en contra dos intereses do Concello no que ten que ver cun expediente disciplinario que hai tres anos instruímos en contra dun traballador municipal. Esa sentencia non lle dá a razón ao Concello”.
Suárez Barcia lembrou que “antes desa sentenza houbo unha resolución administrativa deste expediente disciplinario na que quedou acreditada a utilización de subministros públicos, como auga ou electricidade para aproveitamento privado. A sentenza que coñecemos agora, hai poucos días, non entra no fondo do asunto senón que se queda nun defecto de forma relativo ao prazo para resolver. Dado que naquel momento encontrouse o Concello incurso nun plan de pago a provedores moi importante, tanto neste como noutros concellos, que provocou que os funcionarios instrutores deste expediente disciplinario tamén eran responsables das súas áreas de xestión, polo que nunha pequena demora que fixo que se ditara uns días máis tarde a resolución é no que se basea para desmontar este expediente disciplinario. Pero isto non quere dicir que o que se acreditou no expediente non fose certo, cousa na que a sentenza non entra, e que a sanción non fose merecida”.
O alcalde ribadense considera que “a sentenza, desde logo, é un perxuízo para todos, porque ademais de que este señor, que daquela era o sepultureiro municipal, non cumpriu co seu traballo aínda por riba temos que aboarlle ese diñeiro que deixou de percibir durante os meses de sanción de suspensión de emprego e soldo. En todo caso as sentenzas hai que acatalas, compártanse ou non. Pero a explicación debe quedar ben clariña enriba da mesa”.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
