BARREIROS (FNC) .- Marchan a bo ritmo os traballos de construción da depuradora de A Espiñeira, segundo asegura o alcalde de Barreiros, Alfonso Fuente. Os traballos que comezaron hai uns días contan cun orzamento de 583.000 euros.
O rexedor sinalou hoxe que “en Barreiros comezaron hai uns días os traballos de construción da nova depuradora que dará servizo ó polígono industrial e ó barrio de A Espiñeira. Cun presuposto de 583.000 euros esta depuradora está financiada por Xestur, Augas de Galicia e polo Concello que pon 120.000 euros, como viñamos mantendo sempre, para levar a cabo esta gran obra que dará servizo de saneamento á Espiñeira, un barrio que carecía del. As obras que executa a empresa Espina y Delfín marchan a bó ritmo”.
Fuente Parga anunciou que “ó mesmo tempo que se fai esta depuradora e ese saneamento na Espiñeira tamén se dotará a ese barrio de aceras e de iluminación e se vai mellorar o firme desa estrada. É unha obra que adxudicou a Xunta de Galicia. Xa digo son uns traballos moi importantes para esta zona, para poder sanear este barrio e para dotar ó polígono industrial de depuradora. Unha depuradora que se engade ás outras catro que xa funcionan no noso concello a día de hoxe”.
Venda de parcelas no polígono industrial
O alcalde barreirense engadiu que “o pasado venres se publicou o anuncio do concurso da venda de parcelas da segunda fase do parque empresarial de Barreiros. Un feito importante, dado que este parque se adxudicou en anos anteriores polo goberno do PP, se iniciou esta fase e agora se poñen á venda estas parcelas”. Alfonso Fuente considera que “hai que ter en conta os prazos, sobre todo as empresas que estean interesadas en adquirir parcelas desta 2ª fase, porque a presentación de propostas para participar no concurso remata o 6 de novembro ás 14:00 horas. Hai que dirixilas ás oficinas de Xestur Lugo, e a apertura das proposicións será o 12 de novembros ás 9:00 horas na sala de xuntas de Xestur Lugo. Aquelas empresas que estean interesadas da Mariña e de Barreiros poden pasar polo Concello a recoller as bases da convocatoria”.
En total “saen á venda 39 parcelas cuns prezos de 48 a 55 euros o metro cadrado, e as parcelas van desde os 800 metros ata os 3.700 pasando por 1.200, 1.300 ou 1.400 metros”, seguiu a relatar Alfonso Fuente Parga.
Relacionado
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
