Santiago, 21 de novembro de 2015.- O secretario do Parlamento de Galicia e deputado autonómico, Jose Manuel Balseiro, defenderá na vindeira sesión plenaria da Cámara galega prevista para a nova semana que comeza unha iniciativa dirixida a dar o impulso definitivo ao proxecto de ampliación do Hospital da Costa.
O parlamentario popular será o encargado de presentar ante o Pleno da Cámara unha proposición non de lei na que se insta á Xunta de Galicia a dar continuidade “co proxecto e coas actuacións de ampliación do Hospital da Costa, contempladas no seu Plan Director”.
Balseiro asegura que probablemente esteamos ante a actuación máis ambiciosa das acometidas pola Xunta de Galicia na nosa comarca e un dos plans máis agardados polos veciños da Mariña tras case trinta anos de funcionamento deste centro hospitalario de referencia.
COMPLEXA TRAMITACIÓN TÉCNICA E ADMINISTRATIVA
O deputado popular sinala que, desde o acceso ao Goberno do PP, a prioridade absoluta do novo Executivo –referendada en múltiples ocasións polo Presidente da Xunta e os cargos populares da comarca- foi dotar de novos servizos ao Hospital da Costa, para prestar unha atención de calidade aos pacientes da área sanitaria.
Co obxecto de analizar as necesidades do actual edificio e dos servizos nel prestados, a Xunta elaborou –xa na anterior lexislatura- a revisión do plan funcional que describía os aspectos concretos que se debían mellorar.
Con posterioridade á disposición deste documento funcional o Goberno galego contratou a redacción do Plan Director do Hospital da Costa, asinado o 30/09/2014. O Plan Director, que tivo un custe de 112.000 euros, supón a exposición técnica e arquitectónica que establece os pasos dirixidos á modernización do centro, cunha programación racional das novas actuacións e inversións para acometer no mesmo.
A Xunta dispoñía xa que logo dun complexo estudo de actuacións que abrangue todas as áreas do Hospital,abordándose, inicialmente, as áreas de hospitalización, consultas externas, gabinetes de exploración, hospital de día médico e nefrolóxico, e loxística e instalacións, que entendían, debían centrar as primeiras melloras a acometer.
Finalmente, xa máis recentemente o Goberno galego autorizaba á Axencia Galega de Infraestruturas a disposición de un crédito que superaba os 30 millóns de euros para levar a cabo os traballos físicos de ampliación e remodelación da súa estrutura. O Diario Oficial de Galicia publicaba con data 30/09/2015 a súa licitación e, tan só está pendente a adxudicación que se complementará co inicio dos traballos.
OUTROS INVESTIMENTOS
De xeito paralelo a este longo proceso administrativo, o Goberno galego tamén incorporaba outras melloras urxentes como foron a creación da nova unidade de tratamentos de quimioterapia e os servizos de hospitalización a domicilio, que recentemente sumaba un novo equipo de profesionais para ampliar a súa cobertura e o número de pacientes atendidos.
Xunta o iso se impulsaban outras obras, por valor de 2,2 millóns de euros entre as que están a remodelación da área de maternidade, a reforma da cuberta, zona de arquivos e farmacia, a dotación de novos ecógrafos e dunha segunda sala de endoscopias, a remodelación completa das torres de anestesia, a modernización dos quirófanos, e novas vías rápidas –no ámbito dos servizos- para o tratamento de diversas tipoloxías de cancros, ou a dotación de novos equipos de climatización que empregan a biomasa.
POSIBLE GRAZAS Á RECUPERACIÓN ECONÓMICA
Balseiro defende que, en coherencia co inicio da recuperación económica, hoxe é posible acometer este elevado investimento que permitirá dispoñer dun hospital máis moderno e accesible e lembra que con ese obxecto, os orzamentos da Xunta de Galicia contemplan unha partida de 1,8 millóns de euros, suficiente para iniciar estes traballos en 2016.
O novo centro triplicará o seu espazo actual, que será remodelado e ampliado, e que se executará por fases, a primeira das cales implicará actuar sobre seis mil metros e se fará en tres anos. O investimento total desta fase supera os 12 millóns de euros dun total de case 30 que suporán completar a tan esperada ampliación.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
