O Movistar Inter exerceu de líder e impúxose ao Burela Pescados Rubén por un cómodo 6-0 nun partido que controlou en todo momento. A escadra interista saltou á pista do Jorge Garbajosa con intesidade e concentración disposta a liquidar o choque pola vía rápida para evitar sorpresas. O Burela non puido evitar que o vendaval azul tomase unha renda de 2-0 nos primeiros minutos, Cardinal culminou un contragolpe (1-0) e Borja aproveitou unha asistencia de Rivillos para marcar o 2-0 cunha precisa vaselina. O dominio azul era patente e aínda que os burelaos intentaban meterse no partido o bo xogo local evitaba a súa reacción. O primeiro aviso con perigo dos mariñaos chegou no minuto 8 por mediación de Chano nun contragolpe. Superado o ecuador do primeiro periodo, Edu evitou o terceiro nunha ocasión de Ricardinho e o Burela chegou ao cupo de faltas. Os mariñaos axustaron a súa defensa e sufrían menos pero faltáballes chegada para incordiar a meta de Jesús Herrero.
A case cinco minutos para o descanso, o Burela apostou polo xogo de cinco e logrou cambiar a dinámica do partido e xerar certo perigo aínda que sen premio. Ao descanso chegouse co 2-0 e na continuación os galegos saíron máis enchufados, presionando en zona alta e incordiando a un Movistar Inter que estivera moi cómodo no primeiro periodo. O esforzo laranxa tivo a súa mellor oportunidade nun balón roubado por Bellvert en media pista e que disparou con perigo pero Jesús Herrero evitou o 2-1. Tras algún susto máis, os interistas espertaron e apertaron para aumentar a súa renda por mediación da parella lusa; Cardinal marcou o 3-0 que rompeu definitivamente o encontro e Ricardinho estableceu o 4-0 instantes despois, minuto 32. O Burela Pescados Rubén volveu intentar o xogo de cinco pero sen xerar excesivo perigo. Jesús Herrero evitou o tanto laranxa tras un perigoso disparo de Iago Rodríguez e na recta final os interistas redondearon a súa vitoria cun Burela envorcado en ataque. Daniel e Rivillos completaron a goleada do poderoso líder ante os guerreiros laranxas.
Ficha técnica
Movistar Inter: Jesús Herrero, Daniel, Ricardinho, Ortiz, Cardinal -cinco inicial- Pola, Humberto, Rivillos, Borja, Javito.
CD Burela FS Pescados Rubén: Edu, Bellvert, Iago Rodríguez, Antoñito, Chano -cinco inicial- Chino, Matamoros, Iago Míguez, Isi.
Goles: 1-0, Cardinal; 2-0, m.6, Borja; 3-0, m.30, Cardinal; 4-0, m.32, Ricardinho; 5-0, m.35, Daniel; 6-0, m.36, Rivillos.
Árbitros: Alonso Montesinos, Urdanoz Apezteguia. Cartón amarelo a Daniel de Movistar Inter e Isi do Burela Pescados Rubén.
Incidencias: Partido correspondente á xornada 11 de Primeira División, disputado no pavillón Jorge Garbajosa de Torrejón de Ardoz.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
