Lourenzá, 30 de novembro de 2015.- A alcaldesa de Lourenzá, Rocío López, participou na mesa redonda que se celebrou este pasado fin de semana na primeira Feira de Desenvolvemento Local que tivo lugar no municipio coruñés de Ames. Entre outras cuestións, a rexedora salientou a importancia de apostar pola creación de emprego no concello baseado nos recursos locais, aspecto que se comprometeu a impulsar dende o goberno municipal.
“A dinamización económica do noso rural só se consegue apostando por un modelo de desenvolvemento local endóxeno que se asente sobre as bases e a historia do noso territorio”, asegura a alcaldesa, que resaltou o “compromiso firme e tácito do goberno municipal para deseñar políticas e mecanismos destinados a revalorizar e poñer en valor os recursos do noso ámbito local e comarcal. Debemos poñer en valor os recursos dos que dispón Lourenzá, dende a riqueza dos seus cultivos ata o inmenso patrimonio paisaxístico, arquitectónico e cultural que posúe”.
Ademais, Rocío López fixo referencia aos proxectos locais innovadores que se presentaron nesta feira: “todos eles teñen un denominador común, que é a aposta polo desenvolvemento local como punto de partida de cada proxecto innovador. A experiencia de participar nesta feira foi moi positiva e, sen dúbida, foi unha oportunidade única de expoñer a capacidade emprendedora que ten Lourenzá e de dar a coñecer a toda Galicia os proxectos do noso concello. Foi un encontro moi frutífero, porque ó mesmo tempo aprendemos e recollemos ideas innovadoras doutros concellos que poden constituír nun futuro novas ideas de desenvolvemento do noso municipio”.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
