Mujeres en Igualdad Burela entrega este sábado a distinción “Mujer del Año”

Chegou o día de coñecer quen serán as dúas mulleres finalistas e a gañadora do Certame “Mujer del Año” Mujeres en Igualdad Burela. Será este sábado 12 ás 10.00 horas durante un almorzo que terá lugar no Hotel Nordés de Burela.

A este certame, ademais de asistir a Presidenta de Mulleres en Igualdade Burela, Mary Fraga, tamén asistirán representantes de diferentes asociacións e tamén unha representante do Burela Fútbol Sala Feminino, que contará como foi a súa experiencia como muller nun deporte tradicionalmente visto como de homes, pero co que ela e o seu equipo souberon facerse valorar conseguindo o Campionato de España de Fútbol Sala Feminino en dúas ocasións facendo de Burela un referente a nivel nacional neste deporte, e dando a coñecer este pobo en moitos lugares de España, onde antes nunca se oira falar de Burela.

Con este certamen pretendemos dar un recoñecemento a todas aquelas mulleres que por algún motivo conseguiron destacar, xa sexa polo seu labor humano, polos seus méritos conseguidos ou por calquera outro motivo polo que se considere que esa muller merece ser por un día merecedora dun recoñecemento.

Recibimos moitístimas candidaturas, aínda que por suposto só entraron a concurso aquelas en as que tanto a persoa que nos haxa boto chegar a proposta como a persoa nomeada en cuestión, asistiran ao acto que se celebrará o vindeiro sábado 12, xa que este era un requisito indispensable da convocatoria publicada. Aclara Mary Fraga, que aproveita para adiantarnos que a elección para os membros do xurado non foi tarefa fácil, e quere aproveitar para agradecerlles desde aquí o traballo e esforzo realizado, así como o traballo e esforzo de todas as persoas que colaboraron na organización deste certame.