Lugo, 7 de xaneiro de 2016.- O Grupo Provincial do PP na Deputación de Lugo censura que “a única decisión que teña tomado o presidente da institución” sexa manter o vehículo de alta gama que xa fora adxudicado, aínda a risco de ter que indemnizar ao comprador. Segundo puido saber o PP, o Goberno provincial púxose en contacto co empresario interesado para comunicarlle que a xunta de goberno tomou a decisión de “suspender a tramitación de alleamento do vehículo provincial Audi A8 4.2 Quattro solicitando da Asesoría Xurídica un informe sobre a adecuación á normativa do citado procedemento”.
A voceira do Grupo Provincial do PP na Deputación, Elena Candia, esíxelle ao presidente da institución que aclare o motivo polo que paraliza o procedemento iniciado polos populares “co obxectivo de adelgazar a administración provincial e destinar os recursos a fins sociais”. “O señor Campos chega ao poder e mantén os privilexios do seu antecesor, Gómez Besteiro, tratando de manter un vehículo de alta gama para as súas viaxes en lugar de destinar o diñeiro a axudar aos que máis o precisan”, replica a voceira.
Os populares censuran que esta sexa a única decisión que o bipartito e o Señor Campos teñen tomado desde a súa chegada ao poder. “Instalan o caos na administración provincial, incumpren os prazos de aprobación dos Orzamentos, pero teñen tempo para decidir manter os privilexios que xa tiñan no anterior mandato volvendo a viaxar nun coche de alta gama”, explica Candia.
Os populares critican que o responsable da institución, o socialista Darío Campos, queira manter gastos superfluos “e continúe co nivel de despilfarro do señor Gómez Besteiro, cando xa se tiñan levado a cabo todos os trámites para que un empresario interesado no vehículo pechara a súa adquisición”. Tamén lamentan a actitude do BNG que “de boquilla está en contra das deputacións e á hora da verdade o único que quere é manter os privilexios”.
Por todo o anterior, o Grupo Provincial do PP interesarase polos motivos que levan ao bipartito e, en concreto ao seu presidente, a volver usar un coche de alta gama mentres pregoan unha austeridade que incumpren sistematicamente.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
