Teatro en Burela

O grupo Pico do Castro porá en escena “O consultorio” este venres 22 de xaneiro a partir das nove da noite na Casa da Cultura de Burela, segundo informa a Concellería de Cultura. O consultorio: “O lugar de encontro, un consultorio psicolóxico. As personaxes, un doutor con dominio en temas de psique humana e un doente cun complexo de Edipo tan grande, pero tan grande, que… ata o mesmo Edipo lle recomendaría terapia. Así as cousas, o doente pouco a pouco irá sacando das casillas a un doutor moi resistente a desbordarse a pesar do desfile de ocorrencias e situacións, insólitas e raras, que lle propón o seu doente. Neste senso, ambos personaxes disputarán o protagonismo da escena tratando, con moita intelixencia e humor, temas como a incomunicación familiar, os condicionamentos sociais, a hipocrisía, a soidade, a sexualidade…”.