VIVEIRO .- As delegadas e delegados da CIG na Concellaría do Medio Rural levaban tempo reclamando o acondicionamento das bases das brigadas do Servizo de Prevención e Extinción de Incendios Forestais. Xa nos vimos obrigados en máis dunha ocasión, ante a falta de atención ás nosas condicións de traballo por parte dos dirixentes políticos da Consellaría, a presentar denuncias ante a inspección de traballo. E isto é o que tivemos que facer novamente coa base de Viveiro.
Agora recibimos o informe elaborado pola Inspección de Traballo sobre as condicións da base de Viveiro e a “Proposta de requerimento” elaborada a raíz da visita realizada á base pola inspectora de traballo o 29 de xuño de 2009.
Esta proposta de requirimento por incumprimento en materia de prevención de riscos laborais (da que enviamos copia escaneada) inclúe na descrición das condicións en que se encontra a base observacións como as seguintes:
“… observáronse determinadas deficiencias en materia de saúde laboral que poden considerarse inadmisíbeis na actualidade, máxime cando se trata dun centro de traballo da Administración Pública, tales como: ausencia de aseos e vestiarios, ausencia de cristais nas xanelas laterais, entrada de maleza desde o exterior a través dunha xanela situada no teito do garaxe, escasa iluminación natural e artificial, … só había unha cadeira para todo o persoal, … unha billa que verque a auga nun balde a través dun trozo de mangueira, … esmeriladora sen protección, … un único extintor contra incendios ou inexistencia de material de primeiros auxilios, equipos de protección individual e roupa de traballo pendurados dunha corda, … ausencia de armarios, … presenza constante no centro de roedores.
Dadas as escasas condicións de salubridade… solicitouse da empresa, durante a visita, a aportación da Avaliación de Riscos e Planificación Preventiva….
O día 2 de xullo, na súa comparecencia ane esta Inspectora… manifesta que non existe Avaliación de Riscos e Planificación Preventiva do centro de traballo.”
Finalmente a inspectora de Traballo require á Consellaría do Medio Rural a que no prazo de dous meses subsane todas estas deficiencias que incumplen a lei e atentan contra as condicións de seguridade e saúde dos traballadores.
Desde a CIG non temos moito que engadir a unha “proposta de requerimento” da contundencia desta. O que temos que insistir é na absoluta falta de consideración dos dirixentes políticos da Consellaría do Medio Rural cos seus traballadores e o absoluto desprecio polas leis que demostran estes dirixentes, ratificado pola necesidade que temos constantemente de acudir á Inspección de Traballo e aos Tribunais do Social para conseguir o que por lei é noso: unhas mínimas condicións de salubridade nos nosos postos de traballo e un respeto polos acordos acadados no Convenio Colectivo.
A CIG continúa na defensa das condicións laborais dos compañeiros do Servizo de Prevención e Defensa Contra Incendios Forestais por todos os medios ao noso alcance.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
