CERVO .- O mércores, 28 de outubro, terá lugar no auditorio da casa da cultura de San Ciprián o espectáculo “Cali o Mago” que consistirá na lectura do libro “Amancio Amigo e o Meigo de Salamanca” de Xosé Miranda e a posterior actuación do Mago Cali. Esta actuación vai dirixida aos nenos e nenas do municipio de 4 a 14 anos.
Nota der Prensa
O PROGRAMA DE DINAMIZACIÓN LINGÜÍSTICA ‘BOCABERTA’, NO AUDITORIO DA CASA DA CULTURA
* A actuación de San Ciprián vai dirixida aos escolares de 4 a 14 anos e persegue a animación á lectura a través dun espectáculo de maxia
* O programa Bocaberta é unha iniciativa de dinamización do uso do galego entre os máis pequenos, que conta coa participación de 11 prestixiosas editoriais
* A programación de Bocaberta en Cervo completarase o vindeiro 16 de novembro co espectáculo “A fantástica viaxe de Patri” que se celebrará no auditorio da Casa Consistorial
Cervo, 26 de outubro de 2009.- O vindeiro mércores, 28 de outubro, terá lugar no Auditorio da Casa da Cultura de San Ciprián o espectáculo “Cali o Mago”. Esta actuación vai dirixida aos nenos e nenas do municipio de 4 a 14 anos e enmarcase dentro da campaña de animación lingüística “Voces á orella” do programa de dinamización lingüística Bocaberta da Secretaría Xeral de Política Lingüística da Xunta de Galicia.
O espectáculo consistirá na lectura do libro “Amancio Amigo e o Meigo de Salamanca” de Xosé Miranda e a posterior actuación do Mago Cali, quen presentará un espectáculo cheo de maxia e ilusión, un percorrido polos efectos máis coloridos e fantásticos. Na procura dese espazo de inocencia que transmiten os libros e a súa lectura, a maxia que xorde como por arte de encantamento fai o espectáculo divertido e comunicativo, nunha atmosfera de emoción.
Dende a concellería de Cultura remitiuse invitación aos colexios do termo municipal para asistir a este espectáculo, o cal contará con dous pases (10.30 e 12.00 horas) para que tódolos escolares poidan gozar del.
O programa Bocaberta é unha iniciativa de dinamización do uso do galego entre os máis pequenos, que conta coa participación de 11 prestixiosas editoriais. Bocaberta vai dirixido a nenos e nenas de entre 3 e 18 anos, agrupa toda unha serie de actividades organizadas polas distintas editoriais que percorrerán 286 concellos de Galicia, entre os que se atopa Cervo. O obxectivo é fomentar o uso do galego neste segmento de poboación achegándoos dun modo positivo á lingua e á cultura galegas. Así, todas as iniciativas están deseñadas desde os intereses dos máis novos, para promover a súa participación activa.
Cervo
A concelleira de Cultura do Concello de Cervo, Chelo Gallego Sinalou que esta actividade está organizada conxuntamente polas concellerías de Cultura e Educación e conta co patrocinio da Secretaría Xeral de Política Lingüística. Así mesmo adiantou que a programación de Bocaberta proxectada para Cervo completarase coa celebración o vindeiro 16 de novembro co espectáculo “A fantástica viaxe de Patri”, dirixido aos escolares do municipio de 3 a 9 anos.
“A fantástica viaxe de Patri” enmárcase dentro da campaña “Contos para Falar” do programa Bocaberta e Trátase dunha montaxe narrativa e musical consistente nunha viaxe ao longo de Galicia que actúa como fío condutor das narracións. Nesta viaxe, e a través de varios contos de situación, móstranse distintos aspectos de Galicia, integrando a rural e mais a urbana, o traballo, o transporte e o mundo dos nenos.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
