Burela, 9 de marzo 2016. As obras de acceso ao porto poderían estar rematadas no vindeiro mes de xullo, segundo asegurou este mércores o alcalde, Alfredo Llano, que hai uns días visitaba a zona. No paseo do Cantiño construirase un miradoiro e tamén se vai facilitar o acceso para poder ver os restos do hipocausto romano, localizado hai anos nesa zona.
O rexedor contou que “tiven ocasión de ir visitar a finais da semana pasada o acceso ao porto e estiven alí con técnicos responsables da obra. Estivémola vendo e agora mesmo leva visos de quedar xa rematada inmediatamente. Parece ser que todo indica que de cara ao mes de xullo pode estar completamente rematado o acceso salvo que aparezan cousas que o impidan”.
Alfredo Llano engadiu que “déronse problemas relativos a brotes de caolín, houbo derrubes e cambios de vía e todo iso no seu conxunto evidentemente vai motivando que dure máis esta obra. Pero agora si que está perfilada xa, está realmente moi ben delimitada, xa se ve claramente por onde pasa e o que ocupa. Estase rematando unha ponte e unha vez rematada esa ponte xa se volve colocar a vía encima e xa a cousa vai moito máis apurada”.
O rexedor burelés sinalou que “estivemos falando tamén do tema do paseo marítimo do Cantiño, que agora está un pouco condicionado pola obra, pero vai quedar ben ao final. Vai estar perfectamente marcado e seguro, de tal xeito que non haxa problemas para os que queiran andar por ese camiño tanto con respecto ao tren de Feve como ao acantilado que pode quedar derivado da obra. Vai estar todo ben protexido e ben amañado para que o paseo sexa atractivo e motivador para que a xente ande por unha ruta que cremos que é moi bonita”.
Alfredo Llano anunciou que “vamos facer un miradoiro a uns cen ou douscentos metros de onde comeza para que a xente poida gozar e ser un atractivo máis para Burela de achegarse ata ese punto e contemplar dunha maneira extraordinaria o que é o noso porto e unha visión global de todo o mar, así como as proximidades de Ribadeo, de Foz e Tapia”.
O alcalde considera que “vai ser unha marabilla se chegamos facer o que queremos. É unha obra para favorecer unha visión global de do mar e do porto e iso sería extraordinario”. Tamén se acondicionará un acceso para poder ver os restos do hipocausto romano, que foi localizado nesa zona hai anos.
Alfredo Llano dixo: “imos contar que todo vaia avanzando segundo o previsto e que se remate o antes posible porque iso sería unha vantaxe clara para o noso porto e para a modificación de certas rúas con respecto ao tráfico viario, co que traería vantaxes en xeral para todo o mundo”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
