Mondoñedo, 9 de marzo de 2016.- O Concello de Mondoñedo organiza este sábado 12 de marzo unha homenaxe ao músico Manuel Araújo, polo 25 aniversario do seu pasamento. O acto será ás 20:00 horas no auditorio municipal Pascual Veiga da localidade e estará presentado por Fran Bouso.
O edil de Educación, Alberto García, explica que o programa inclúe unha exposición fotográfica sobre Manuel Araújo de quen destaca que “inculcou a música a rapaces e rapazas do seu barrio”. Toño da Tasca foi o encargado de ceder o material fotográfico sobre o artista e o cronista oficial de Mondoñedo, Antón Reigosa, fará unha breve reseña bibliográfica do músico mindoniense.
Os asistentes poderán desfrutar dun recital de poesías da man de Belén Ramos e Arcadio Mon, ademais dun concerto musical coa participación de Silvia Campos, Arcadio Mon, Sito Sedes e José Manuel ‘Malelo’.
Ademais de músico, Araújo tamén foi creador teatral, polo que este sábado representarase no auditorio unha das súas obras, interpretada por Paco Piñeiro e María Paz Rodríguez.
Pola súa banda, o Concello faralle entrega á familia de Araújo dunha placa conmemorativa.
Manuel Araújo
Manuel Araújo foi unha figura polifacética e moi versatil. Naceu en Portugal pero a vida tróuxoo a Mondoñedo con poucos anos. “Cunha infancia complicada foi un home que se fixo así mesmo, con inquietudes que sorprendían a todo aquel que se atopaba polo seu camiño”, reseña Alberto García.
Araújo non foi só músico, senón que tamén foi creador teatral e actor en xéneros tan dispares como o dramático e o cómico e formaba parte dun dúo cómico. Dentro do seu carácter polifacético, o edil tamén engade que foi porteiro de fútbol do daquela “moi importante equipo”, o Luarca F.C., ao que se suma o seu carácter empresarial, xa que nos últimos anos da súa vida rexentou un bar, “que podemos comparar co tipo de establecemento que aglutinaba a cultura local, como podía ser a Barbería do Pallarego”, di o concelleiro.
Polo tanto é, matiza Alberto García, dende o punto de vista da cultura popular, “unha figura merecente dunha homenaxe como a que vai ter lugar este sábado, que todos os mindonienses, especialmente os máis novos, debemos de coñecer”.
Homenaxes a personaxes mindonienses
Por último, o edil indicou que é intención do Goberno local, “facer homenaxes a persoeiros menos coñecidos da nosa cidade, pero que a súa actividade ten contribuído a facer un Mondoñedo máis grande, moitas veces en igual medida que os nosos ilustres con máis sona, como poden ser Álvaro Cunqueiro, Pascual Veiga ou Leiras Pulpeiro”.
Alberto lembra que dende o Concello puxéronse xa en marcha outras homenaxes a representantes de distintas artes culturais, como á actriz Manuela Rei, coa celebración durante este 2016 dun ciclo de teatro, os últimos sábados de cada mes; ou á de Victoriano López García, “mindoniense que dedicou a meirande parte da súa vida ao mundo do cine”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
