Cómoda vitoria do Burela Pescados Rubén ante o Majadahonda FSF Afar4 por 6-1 nun duelo de control burelao durante os corenta minutos. O conxunto madrileño salvou os mobles no primeiro periodo pero na segunda parte non puido conter a superioridade local.
As mariñás abriron pronto o marcador cun tanto en propia porta de Elena e co 1-0 o efecto sorpresa das visitantes desapareceu. O Burela controlaba o partido e gozou de ocasións para aumentar a súa renda aínda que sen fortuna, no ecuador do primeiro periodo o Majadahonda estirouse un pouco e logrou xerar un par de ocasións para roldar o empate que non chegou. Ao filo de descanso Ceci aproveitou unha xogada de Peque para marcar o 2-0 co que se chegou ao intermedio. Tralo paso por vestuarios o Burela Pescados Rubén mantivo o seu dominio ante un entusiasta Majadahonda que se viu abrumado en canto as laranxas apertaron un pouco o acelerador. Maite e Peque transformaron o control burelés nunha maior distancia no electrónico (4-0). Nun par de minutos o Burela sentenciaba o partido aínda que as madrileñas recortasen distancias co 4-1 logrado por Gabriela. Apenas puido saborear o tanto a escuadra visitante xa que de novo o dúo dinámico formado por Peque e Maite apareceu en escena para marcar o 5-1 e 6-1, respectivamente. O Majadahonda probou fortuna co xogo de cinco sen éxito algún e o partido foise diluíndo ata o pitido final que certificou a vitoria burelesa.
Ficha técnica
CD Burela FS Pescados Rubén: Andrea, Peque, Ceci, Bea Mateos, Dany -cinco inicial -Claudia, Lara, Maite.
Majadahonda FSF Afar4: Laura, Arantxa, Elena, Celia, Mónica –cinco inicial -Gabriela, Marta Rodríguez, Peque.
Goles: 1-0, min.3 Elena (p.p); 2-0, min.20, Ceci; 3-0, min.27, Maite; 4-0, min.28, Peque; 4-1, min.29, Gabriela; 5-1, min.30, Peque; 6-1, min.31, Maite.
Árbitros: González Alvedro, Martínez Pena. A Coruña
Incidencias: Partido correspondente á 20ª xornada de Primeira División RFEF, disputado no pavillón Vista Alegre de Burela, 150 espectadores.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
