Ribadeo, 14 de marzo 2016. A Concellaría de Mocidade organiza varios obradoiros e actividades deportivas dirixidas a nen@s e moz@s durante esta Semana Santa. Haberá obradoiros de fotografía e de cociña, ademais de deportes e lectura.
O día 21 comezarán os obradoiros de fotografía e cociña. O de fotografía para instagram desenvolverase durante os días 21, 22 e 23 de marzo en horario de 10:30 a 13:30 e polas tardes de 16:00 a 18:00 horas. Está dirixido a moz@s a partir de 12 anos e terá lugar na Casa da Xuventude onde se pode facer a inscrición, que é gratuíta. As prazas son limitadas e o material que se precisa é un móbil con posibilidade de instalar Instagram.
O obradoiro de cociña tamén será durante os días 21, 22 e 23 con horario de mañá de 11:00 a 12:30 horas. Está dirixido a nen@s de 7 a 12 anos e terá lugar na aula fogar da Casa do Mar. As prazas son limitadas e a inscrición, que é gratuíta pode facerse na Casa da Xuventude. Neste obradoiro farán piruletas de chocolate e arte coa comida ademais de xogar a ser escultor@s coa froita.
Por outra banda a Concellaría de Mocidade programou actividades deportivas durante os días 21, 22 e 23 polas mañás en horario de 11:00 a 13:30 horas no Cantón onde haberá pista 3×3 fútbol e de baloncesto. Ademais o día 21 haberá un campionato de Flag Fútbol para nen@s a partir de 7 anos de 16:00 a 20:00 horas no Campo Sintético. As prazas son limitadas e a inscrición gratuíta pode facerse na Casa da Xuventude. Dende a Concellaría indican que se o tempo non acompaña aprazarase a xornada para outro día.
A Concellaría de Mocidade organiza ademais unha xornada lúdica para o día 22 de marzo no parque de San Francisco durante a tarde de 16:00 a 19:00 horas. Haberá inchables, baile, animación musical e obradoiros e se o tempo non acompaña aprazarase a xornada para outro día. Por outra banda o día 28 de marzo terá lugar unha actividade titulada Ler Conta Moito na Biblioteca Municipal con Migallas. A entrada será gratuíta.
Estas actividades rematarán o día 2 de abril con La Hora del Código. Este será un evento gratuíto que se desenvolverá na Casa da Xuventude en horario de mañá de 11:30 a 13:30 horas. Estará organizado polo Grupo de Seguridade da Información da Coruña e o Concello de Ribadeo para achegar a programación de computadoras dunha forma natural, sinxela e divertida e dirixido a nen@s entre 6 e 14 anos. As prazas son limitadas, deben rexistrarse na https://studio.code.org cun nome e contrasinal. É necesario levar ordenador ou tablet.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
