A Asociación de Comerciantes Centro Histórico de Viveiro organiza unha Master Class de cociña da man do Chef Héctor López do Restaurante España, membro do Grupo Nove e xurado do programa “Entre Fogóns”.
O Grupo Nove é un colectivo formado por 22 cociñeiros de restaurantes galegos, unidos para reivindicar a modernidade e vixencia da nova cociña galega, sen renunciar ás orixes da vangarda gastronómica “made in Galicia” que combina o mellor da tradición e a innovación. Entre todos os seus compoñentes suman 8 estrelas Michelín e 19 Soles Repsol.
A Master Class impartirase o xoves 31 de marzo ás 17.00 horas nas instalacións do Restaurante Louzao.
Os asociados do sector hostaleiro do CCHV poderán coñecer en directo técnicas da cociña deste afamado chef, para despois plasmar as ideas nas súas creacións de face á V Edición do Concurso de Tapas CCHV, que este ano se celebrará do xoves 14 ao domingo 17 de abril.
Serán unha vintena de profesionais hostaleiros de negocios asociados ao Centro Histórico os que poderán aprender e gozar nesta master class, entre outras cousas, de técnicas de emplatado e presentacións, co afán de seguir mellorando as creacións que ofrecen xoves tras xoves no Juepeo (os xoves en Viveiro hai tapeo), que este mes de maio cumprirá 1 ano desde que empezou a andar e que xa se fixo un oco nos costumes dos clientes.
Este ano o Concurso de Tapas terá novidades, entre elas, esta que xa vos adiantamos, unha Master Class dun dos grandes chefs que temos a día de hoxe no panorama galego.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
