Lugo, 28 de marzo de 2016.- O vicevoceiro provincial do PSOE, Pablo Rivera Capón, e o vicevoceiro provincial do BNG, Antonio Veiga Outeiro, presentaron este luns as propostas que o equipo de Goberno da Deputación presenta ao Pleno deste martes.
Rivera Capón informou sobre a moción que esixe a paralización do desmantelamento do servizo de Correos na provincia de Lugo. Deste xeito, o executivo provincial demanda ao Goberno Central, concretamente á Sociedade Estatal Correos e Telégrafos, que restitúa nos Concellos da provincia os servizos suprimidos durante os anos 2013, 2014 e 2015. Tamén reclama á Xunta de Galicia que realice as xestións necesarias ante o Goberno do Estado para recuperar que esta prestación, así como o seu persoal nas mesmas condicións.
O Goberno provincial da Deputación de Lugo advirte que nos últimos cinco anos destruíronse entre 13.000 e 14.000 postos de traballo en todo o Estado. Rivera Capón lembrou que foi o actual Presidente da Xunta, Alberto Núñez Feijóo, o que iniciou o proceso de privatización do servizo de Correos.
Lugo: suprimíronse 29 prazas
Na provincia de Lugo, suprimíronse oficialmente 29 prazas. Na actualidade, a previsión é recortar outras 11 prazas. Comparando os censos de persoal na provincia de Lugo, (entre persoal funcionario e laboral), destruíronse 121 postos de traballo nos últimos dous anos. Tampouco se contrata persoal temporal para as substitución de vacacións.
En comarcas coma a da Mariña, a de Lugo ou a de Sarria estanse a suprimir repartos e persoal en zonas rurais. Ademais reducíronse horarios de apertura en case a totalidade das oficinas, e mesmo se imposibilita o envío de paquetería, obrigando á poboación a trasladarse ás oficinas principais para este tipo de envíos, cando en moitos casos é o propio Concello o que asume a titularidade do local.
Estudo da represión na provincia de Lugo
O vicevoceiro provincial do BNG, Antonio Veiga Outeiro, presentou a moción do equipo de Goberno sobre a memoria histórica, a ditadura franquista e o cumprimento do 80 aniversario do Golpe de Estado.
Veiga Outeiro demanda que se promova ao longo do ano 2016 o desenvolvemento dun programa de actividades –en colaboración con entidades da Memoria e Concellos- arredor da memoria histórica e da represión franquista.
Ademais, a Deputación de Lugo realizará, coa participación das entidades da Memoria, un estudo da represión na provincia de Lugo para elaborar, con outras institucións e colectivos, un Mapa da Memoria (rede de lugares da represión, resistencia, solidariedade e homenaxe en Galiza).
Dende o organismo provincial promoverase un recoñecemento e homenaxe a todas aquelas persoas que ostentaban cargos públicos para os que foran elixidos democraticamente e que foron represaliados, encarcerados ou asasinados debido a ese cargo que ostentaban e as ideas que defendías a raíz do golpe de estado de 1936.
A alcaldesa, Marta Rouco, e a concelleira Paula Vigo destacaron que esta iniciativa busca dinamizar os domingos de feira e dar visibilidade ao traballo artesán. As inscricións poden realizarse ata o 26 de abril, cubrindo o formulario dispoñible en vilalba.gal/novas e enviándoo a feiras@vilalba.es xunto coa documentación requirida. Para consultas, está dispoñible o teléfono 982 51 03 05.
A representación desenvolverase na praza do mosteiro, na igrexa e nos espazos exteriores habituais para escenas como o xuízo ante Pilatos, o horto e a crucifixión. Participarán a Garda Pretoriana de Lugo, a Percussio Praetoria e o grupo Galiclasic, nun evento recoñecido como Festa de Interese Turístico Rexional e no que colaboran arredor de cen persoas.
O Concello de Cervo convida a toda a veciñanza a participar no novo Guateque de Arruguiñas, unha proposta pensada para fomentar o encontro interxeracional, a convivencia e o lecer compartido. O evento celebrarase este martes, 31 de marzo, ás 19:30 horas, na Casa do Mar de San Cibrao. A xornada incluirá actuación musical, bingo e chocolate, actividades organizadas polo alumnado de 2º de Bacharelato en colaboración coa Oficina de Voluntariado Xuvenil e a Asociación de Xubilados Terramar. O Concello anima a participar e desfrutar dunha tarde especial de convivencia e diversión.
O alcalde, Pedro Fernández, salientou o seu impacto turístico e deportivo. A edición inclúe un atractivo especial: a Concentración da Selección Española OPEN, que adestrará en Tapia do 1 ao 6 de abril. O Goanna Pro é a segunda proba da Liga PRO, garantindo un nivel competitivo máximo. Datas: Semana Santa 2026. Lugar: Praia de Anguileiro. Destacado: Concentración da Selección Española (1–6 abril).
O delegado destacou a consolidación do evento como referente cultural na Terra Chá. O festival contará con Caamaño & Ameixeiras, Ulex e La Txama, ademais de actividades lúdicas. A cita será no campo da feira de Gontán, con entrada gratuíta.
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
