Ribadeo, 28 de marzo de 2016.- Acisa fai un balance positivo da Semana Santa en Ribadeo. Desde a directiva sinalan que “os días festivos, xoves e venres, a ocupación hostaleira situouse no 100%, segundo nos comentan os nosos asociados, e o resto dos días estivo contorna ao 80% máis ou menos”.
Acisa indica que “Ribadeo estivo repleto de visitantes estes días, o que reflicte o tirón que ten a vila e o seu centro histórico, pero tamén As Catedrais, Rinlo, a ría ou o porto. Fíxose difícil nalgún momento atopar sitios para comer e para aloxarse, pero os nosos asociados hostaleiros e restauradores traballaron duro para ofrecer o mellor servizo aos seus clientes”. E engaden “agora poñemos a vista no próximo verán e na terceira edición do Ribadeo Indiano, que sen dúbida atraerá a miles de persoas á localidade. En plena Semana Santa presentouse o cartel da festa e déronse a coñecer as datas nas que se celebrará, do 8 ao 10 de xullo, e foron moitas as persoas que se interesaron por este evento que organizamos o Concello e Acisa”.
Curso empaquetado
Acisa impartirá en maio un curso de empaquetado destinado ao comercio ribadense. “Trátase dun taller de envoltorios creativos, que será impartido por unha profesional do gremio”, explican desde a directiva da Asociación de Comerciantes, Industriais, Servizos e Autónomos. E engaden que “as prazas, que eran limitadas a 30 participantes, cubríronse rapidamente e agora mesmo temos a varias persoas en lista de espera”.
Acisa organiza esta actividade “co fin de achegar ao socio ferramentas para mellorar o seu negocio. Para este 2016 é o noso obxectivo realizar varios cursos de formación”.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
