O IES de Ribadeo Dionisio Gamallo participa na XXII edición do Concurso Euroscola dedicado aos 30 anos de España na Unión Europea (1986-2016).
O centro participa por primeira vez neste certame cun grupo de 13 alumnos e alumnas de 1º de Bacharelato que estudan por vez primeira neste curso 2015-2016 unha optativa de oferta exclusiva propia deste centro: Europa como materia, proposta e impartida polo profesor Manuel Yáñez Dablanca do departamento de Filosofía.
Entre os seus contidos de formación figuran os seguintes:
– Coñecer a Unión como organización internacional, os seus principais obxectivos e os principios básicos que rexen o seu funcionamento.
-Coñecer os Estados membros da UE, e as condicións de pertenencia e permanencia.
– Desenvolver a sensibilidade fronte ao proceso de unidade europeo, valorándoo como unha importante conquista ante graves enfrontamentos que caracterizaron con anterioridade a historia do noso continente, e como un factor de desenvolvemento dunha cidadanía baseada nos dereitos humanos e a tolerancia.
– Coñecer as principais institucións políticas da Unión e comprender cal é o papel de cada unha delas no proceso de adopción de decisións, e empregar adecuadamente a terminoloxía básica do proceso de unidade europeo.
– Coñecer os principais ámbitos de actuación da UE, en particular aqueles con maior incidencia na vida cotiá dos cidadáns europeos.
– Adquirir estratexias de procura e indagación de documentos das Institucións europeas e outros recursos mediante a navegación en Internet.
“Cremos que esta nova materia proporcionará ao alumnado do Bacharelato a posibilidade de aproximarse a Europa e aos valores que nos unen como europeos, e como sociedade: valores como a tolerancia, a cooperación, os dereitos humanos e a democracia. Neste sentido, primamos no noso currículo a idea de crear unha cidadanía europea que teña en conta desde os primeiros pasos da aprendizaxe reflexiva a bagaxe histórica, política, social e cultural europea”, apunta o profesor.
Ademais, continúa, “a Unión Europea ofrece unha infinidade de recursos para os mozos, para poder completar os seus estudos noutros Estados da Unión, para mellorar o coñecemento de linguas estranxeiras, para a realización de prácticas formativas, oportunidades todas elas que poden incrementar as posibilidades profesionais dos nosos estudantes nunha contorna globalizada”.
“A incorporación de España á Unión Europea en 1986 supuxo un fito histórico que marcou o devir político, económico e social de todos os cidadáns. Para comprender, hoxe en día, a realidade que nos toca vivir é imprescindible coñecer o funcionamento europeo, a composición e as directrices políticas establecidas pola propia Unión Europea. Commemoramos este 2016 os 30 anos da nosa integración, e debemos centrarnos no futuro para establecer unha idea clara da comunidade á que queremos pertencer”, explica Yáñez Dablanca.
O espazo web http://iesgamallo.wix.com/uespain pretende profundar e defender esta idea de Europa unida e en progreso.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
