San Cibrao, 16 de abril de 2016.- A Casa da Cultura de San Cibrao viviu este sábado un cheo absoluto debido á grande afluencia de público que se achegou á presentación de “El fiel reflejo de la nada”, primeira novela da escritora Patricia C. Beltrán, veciña da vila. O numeroso público tivo como consecuencia que parte do mesmo tivese que asistir ao acto de pé, por non haber asentos para todas as persoas presentes.
O acto, celebrado a partir das 6 da tarde, iniciouse coa proxección dun “booktrailer” de catro minutos destinado a transmitir de xeito audiovisual a atmósfera e as sensacións que produce a lectura da novela, e continuou coas intervencións do profesor Bernardo Penabade, condutor do evento; de Matías Nicieza, autor da portada do libro e do deseño visual; de Judith Méndez, quen leu un extracto do texto; e da propia autora, quen posteriormente se prestou a asinar exemplares da obra, postos á venda no propio local por parte da libraría sancibrense Cantigas, e que houbo que repoñer debido á grande demanda existente.
“El fiel reflejo de la nada”, baseado nun caso real, conta a historia de Valentina, unha moza salvadoreña que o ten todo: unha familia de clase media que a adora, representa o vértice máis sensato do triángulo formado xunto ás súas amigas Edita e Paola Andrea e compatibiliza un emprego nun bufete de avogados cos seus estudos na Facultade de Dereito. Durante o concerto que Alejandro Sanz ofrece no Salvador en 2006, Valentina coñece a Dani, o guitarrista da banda, e ambos inician un breve romance. Motivada pola incandescente paixón do músico por Europa, a moza decide trasladarse a Madrid para culminar alí a súa carreira. Pero, cando por medio dunha rede social Valentina coñece a Sébastien, un francés afincado en Barcelona, todo cambia. A través das páxinas de “El fiel reflejo de la nada” penetramos nunha espiral de destrución marcada pola soidade, o mundo da rúa e a violencia de xénero.
Máis información sobre o libro en https://www.facebook.com/El-fiel-reflejo-de-la-nada-468801459977375/
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
