Lugo, 26 de abril de 2016.- O Pleno da Deputación aprobou este martes, sen apoio dos Deputados do Partido Popular, a moción presentada polo Grupo Provincial Socialista para esixir á Xunta a inmediata dotación do servizo de Hemodinámica 24 horas no HULA, tal e como reclamaron os máis de 43.000 veciños que asinaron a ILP máis apoiada da historia do Parlamento galego; así como que publique os datos de mortalidade por infarto de miocardio aos 30 días, que oculta.
“Hoxe non vale ampararse na urxencia da moción, tal e como pasou no Pleno pasado, no que 13 Deputados consideraron que non era prioritaria para os veciños e decidiron rexeitala. Hoxe falaremos de Hemodinámica 24 horas e saberemos a postura de cada un dos Deputados desta corporación”.
Así o subliñou o voceiro provincial socialista, Álvaro Santos Ramos, que destacou que “o Goberno galego discrimina aos lucenses negándonos esta prestación básica e imprescindible no HULA, e non publicando os datos de mortalidade por infarto de miocardio aos 30 días. Se os están a ocultar, por algo será”.
Santos Ramos lembrou que o Executivo autonómico publicou un informe “incompleto e sesgado”, no que se alerta de que un lucense afectado por un infarto de miocardio tarda o dobre de tempo en ser atendido que, por exemplo, un cidadán da Coruña. Concretamente, o tempo de espera é de máis de 3 horas, pois a provincia de Lugo non conta cun servizo de Hemodinámica as 24 horas e os doentes teñen que ser trasladados á Coruña.
“Ao Grupo Provincial Socialista e ao Goberno da Deputación non só nos preocupa salvar as vidas das persoas infartadas, senón que tamén nos preocupamos pola calidade de vida que teñen despois. As consecuencias que poden derivarse de non ser atendidos no tempo estipulado incrementan, notablemente, as posibilidades de mortalidade, sobre todo nos seguintes dous anos”.
Licenzas na Rede Natura 2000 e no Camiño de Santiago
O Pleno da Deputación aprobou, co voto en contra do Partido Popular, unha moción coa que o Goberno da Deputación demanda á Xunta axilizar a tramitación administrativa de licenzas en Rede Natura 2000, e nos Camiños de Santiago. A Deputada de Medio Ambiente, Sonsoles López, destacou que “con esta iniciativa buscamos mellorar a calidade de vida das persoas que viven nestas zonas de especial protección, apostando por medidas encamiñadas a preservar este magnífico entorno natural e histórico do que dispomos”.
“O tempo medio de espera dos Informes do Comité do Camiño de Santiago é no caso de obras menores, de seis meses, e dos da Rede Natura 2000 é de tres. Estas trabas administrativas poñen en perigo o despegue da economía local no relativo ao comercio relacionado co Camiño de Santiago, e mesmo a perdida de subvencións da propia administración. Os veciños levan esperando dende o ano 1996 polo Plan Especial do Camiño de Santiago”, remarcou.
Máis recursos para os Concellos
Aprobada por unanimidade a proposta do Goberno da Deputación que esixe á Xunta unha reforma do actual modelo de financiamento local, co fin de xerar máis recursos para os Concellos galegos. O Vicepresidente, Antonio Veiga, lembrou que “a día de hoxe, a Participación nos Ingresos do Estado (PIE), unha liña financeira moi importante para os concellos, emprega formulas para o seu reparto co sistema vixente desde 2004, o que a leva a xerar uns desequilibrios esaxerados que prexudican, directamente, aos Concellos. Coas cifras na man, os Concellos galegos perderan este ano 136 millóns de euros con ese reparto”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
