O BNG pregunta na comisión de Cultura do Parlamento galego polas medidas de protección ao patrimonio arqueolóxico na Mariña

A Mariña, 6 de maio de 2016.- O BNG pregunta polos danos a xacementos arqueolóxicos na comarca da Mariña derivadas da construción de infraestruturas, o urbanismo descontrolado ou explotacións forestais co uso de maquinaria pesada. O parlamentario nacionalista Cosme Pombo argumentou que a Consellaría de Cultura, á vista das denuncias por danos, non cumpre coa súa obriga de protección patrimonial e a ausencia de coordinación entre diferentes consellarías para evitar os danos a xacementos na comarca mariñá.

A recente destrución do Castro do Monte da Arca en Mondoñedo evidencia incumprimentos da Consellaría de Cultura na protección do patrimonio
Para o BNG, independentemente dos datos e protocolos de actuación expostos pola Directora Xeral de Patrimonio Cultural Cultura na súa contestación, “é evidente que non se están aplicando os protocolos cando vemos denuncias sobre a destrución de 30 xacementos arqueolóxicos no norte da provincia de Lugo”, afirmaron.

Desde a formación nacionalista denuncian que “a evidencia desminte a información ofrecida pola Directora Xeral xa que no caso das plantacións de eucaliptais na comarca mariñá, ou non se vixía a actividade se fai vista gorda sobre as labores forestais mesmo sobre bens inventariados como sucedeu recentemente no Castro de Monte da Arca en Mondoñedo que aínda estando inventariado”, foi destruído.

Hai asociacións culturais que fan mais pola protección do patrimonio arqueolóxico galego que a propia Consellaría de Cultura
O BNG argumenta que outra evidencia da ausencia de control e cumprimento das súas obrigas por parte da Consellaría de Cultura demostrase no feito de que as cifras sobre denuncias por destrución de xacementos arqueolóxicos, inventariados ou non, foran realizadas por unha asociación cultural e non por quen ten a obriga de velar polo coidado e protección do patrimonio como é o caso da Consellaría de Cultura.

A formación nacionalista pidelle ao goberno galego maior rigor nas comparecencias parlamentarias
Para a portavoz comarcal, Ana Ermida, o intento de minorar a realidade evidencia que non se está facendo ben o traballo. Neste sentido afirmou que os datos ofrecidos pola Directora Xeral e reclámanlle maior rigor nas comparecencias no Parlamento xa que a cifra de 377 xacementos arqueolóxicos aos que fixo mención contrastan cos mais de 500 realmente existentes que a propia Consellaría de Cultura remitiu a outra consellaría. Na mesma liña, non é real que so existisen 17 denuncias por danos ao patrimonio nos últimos cinco anos, só nas últimas semanas Mariña Patrimonio presentou 36.

A expansión do eucalipto nitens en zonas altas pon en perigo mais xacementos arqueolóxicos
Por último, no caso das plantacións de eucaliptais o BNG preocupouse polas previsións de expansión do nítens xa que segundo a asociación Mariña Patrimonio, existen arredor de 500 xacementos arqueolóxicos no norte lugués, 250 deles en explotacións forestais e outros 250 que poderían estar afectados por mor da política expansiva prevista pola Xunta de Galiza para o eucalipto nítens.