O Concello de Alfoz organiza un fin de semana con diferentes actividades relacionadas coa celebración do Día das Letras Galegas.
O primeiro evento realizarase o vindeiro domingo 15 de maio, no Salón de Actos do Centro Sociocultural de Alfoz, e estará organizado pola Asociación Cultural O Castelo en colaboración coa Biblioteca Municipal. Comezará as 18:00 horas cunha conferencia do escritor local Lionel Rexes, onde se falará da figura de Manuel María. De seguido, ás 18:30 horas será a hora dos contos e debuxos para os máis pequenos, a través do programa de dinamización da lectura “Ler Conta Moito” da Rede de Bibliotecas Públicas de Galicia, no que o colectivo Polo Correo do Vento presentará unha simpática homenaxe a Manuel María titulada ” O poeta do Miño”, baseada no poema “Proclama ós peixes do Miño” pertencente ao libro “Miño, canle de luz e de néboa”. Posteriormente a ACX O Castelo entregará os premios do certame de debuxo e narración Trilasqui, no que participaron nenos de infantil e primaria.
O martes 17, coincidindo co Día das Letras Galegas terá lugar unha homenaxe a Manuel María, que se celebrará igualmente no Salón de Actos do Centro Sociocultural de Alfoz apartires das 18:00 horas. O evento comezará con lecturas de diferentes poemas do autor homenaxeado. Posteriormente actuarán as Cantareiras de Amado Lar e o Coro Parroquial Virxe das Dores de Ferreira co acompañamento musical de diferentes músicos do Val. A delegación de Cultura do Concello de Alfoz quere agradecer de antemán a colaboración das persoas participantes na lectura e dos grupos protagonistas da actuación pola súa desinteresada participación nesta homenaxe.
Por outra parte, indicar que, o pasado mércores 11 de maio, se reuniu o xurado da fase local dos premios do Certame de Narración e Debuxo das Letras Galegas 2016, organizado pola Biblioteca Municipal de Alfoz. Tras a correspondente deliberación os gañadores na sección de debuxo foron 1º Olalla Rodríguez Fraga, 2º Roi Maseda Mirón e 3º Lidia Expósito Góas e cun accésit para Ana Díaz Fraga todos eles da Categoría A ( ata 8 anos ); na categría B ( de 9 a 11 anos ) os gañadores foron 1º Claudia Martínez García, 2º Ángela García Palmeiro e 3º Gabriela Pedre Lastra; e na categoría C ( de 12 a 16 anos ) a gañadora foi Mª Nazaret Fraga Gonçalves. Respecto á narración, na categoría B ( de 9 a 11 anos ) os gañadores foron 1º Saray Martínez Ramos, 2º Deyanira Barreira Vigo e 3º Mara Otero Palacios; e na categoría C ( de 12 a 16 anos ) a gañadora foi Alba García García. Os gañadores pasarán á fase provincial de cada categoría.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
