O CD Burela FS Pescados Rubén visitará este sábado a pista do FSF Móstoles (Villafontana, 16.30 horas), na antepenúltima xornada de Primeira RFEF, para disputar a primeira das tres finais que faltan para alcanzar o soño da liga. As pupilas de Iván Cao, Lucas, defenderán o liderado (74 puntos) ante o noveno clasificado (34 puntos), rival ao que se impuxeron na primeira volta 7-3.
“Estamos con moitas ganas e máis fortes que nunca; cada partido é para nós unha final” explicaba a incorporación invernal do Pescados Rubén, Dany, que asinou un triplete na última xornada, fronte ao Jimbee Roldán FSF (6-1). “O ambiente no vestiario é moi positivo pero agora mesmo só pensamos en Móstoles, imos partido tras partido. Creo que teremos que traballar moito para romper a súa defensa e máis na súa casa” advertía a 3 burelista, que atribuíu ás súas compañeiras a responsabilidade do gran momento persoal que está vivindo na Mariña: “Grazas ás miñas compañeiras, coas que estiven na miña anterior etapa -Peque, Maite, Jozi…- e ao resto, é coma se non me fose ao Brasil; todas me facilitaron moito o traballo. Oxalá siga marcando máis goles, que traian os tres puntos, claro”.
“Para nós a afección é o sexto xogador, motívanos a diario e sentimos sempre a súa forza, en Vista Alegre e fóra. Nesta recta final son máis importantes ca nunca” concluía así Dany unha hora antes de subirse ao autobús rumbo á 28ª xornada.
Ás baixas das lesionadas Shiori, Emma e Lara, súmase a ausencia de Judith, por enfermidade; entrará na convocatoria Silvia Rubal, do conxunto filial.
Desde a segunda praza e con 1 punto menos que as laranxas, o Atlético de Madrid Navalcarnero recibirá mañá (19.00 horas) o UA Alicante, quinto clasificado, con dous puntos menos que o Ourense Envialia, en postos de Copa de España.
CD Burela FS Pescados Rubén: 1. Jozi, 3. Dany, 5. Claudia, 7. Peque, 9. Gaby, 11. Ceci, 13. Andrea C., 14. Bea Mateos, 17. Maite, 25. Silvia Rubal
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
