BURELA (FNC) .- Teatro e zarzuela son as citas culturais desta fin de semana en Burela, dentro da programación de outuno, segundo ven de anunciar a concelleira de Cultura.
Neves Cando explica que “o venres 6 de novembro ás 21:30 horas no Auditorio da Casa da Cultura terá lugar a representación da obra teatral So con Carlos Blanco. Despois do grande éxito de público colleitado na súa anterior visita a Burela en marzo do ano pasado, de novo contamos coa presenza deste magnífico actor que nos presentará, nunha comedia monólogo e só no escenario fronte ao público, as vivenzas do seu percorrido polo Camiño de Santiago: os atascos nas corredoiras para chegar os primeiros aos albergues, a hostelería galega única no seu xénero, as anécdotas da viaxe en distintos idiomas e a chegada ao final a Compostela. Ésta é a nova aventura de Carlos Blanco, con bastón, mochila e coche de apoio porque, como di él, cadaquen fai o camiño como pode. Agardamos que unha vez máis o noso Auditorio se encha para gozar coa magnífica interpretación de Carlos Blanco este venres día 6”.
A edil nacionalista engade que “completamos a fin de semana cunha maravillosa e novidosa actuación musical o sábado día 7 ás 21:00 horas tamén no Auditorio. Trátase dun concerto a base de temas de zarzuela que nos ofrecerán a Coral Polifónica de Burela e a Banda de Música de Viveiro. Gozaremos dunha actuación única porque non é doado xuntar a estas dúas entidades para interpretar esta selección de pezas de zarzuela, que seguro serán do agrado de todos os veciños e veciñas de Burela. Esta actuación é posible grazas á colaboración da Área de Cultura da Deputación de Lugo e da Fundación Caixa Galicia. Temos polo tanto unha fin de semana cultural de grande calidade en Burela co xenial Carlos Blanco o venres e coa Coral de Burela e a Banda de Viveiro o sábado”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
