Lugo, 25 de maio de 2016.- A delegada da Xunta en Lugo, Raquel Arias, xunto co alcalde de Cervo, Alfonso Villares, mantivo este mércores unha reunión con veciños e veciñas da parroquia de Castelo, en Cervo, para supervisar o alcance das obras de mellora de camiños realizadas na zona nos últimos meses e analizar outras posibles actuacións na parroquia.
Os traballos executáronse ao abeiro do Plan Marco, que ten por obxectivo principal mellorar as condicións de vida dos residentes nas áreas rurais, poñendo en valor as dotacións existentes de infraestruturas básicas, e levar a cabo actuacións dirixidas a fomentar a implantación e mellora dos servizos básicos demandados pola poboación rural.
A través deste programa investíronse na Mariña 1.339.288 euros nos dous últimos exercicios, dado que o Plan Marco tiña antes carácter bianual, e está previsto outro investimento de 1.045.699 euros para este ano.
O concello de Cervo suma nestas tres anunalidade un financiamento de 120.911 euros; ao respecto, cabe sinalar que o orzamento previsto para cada un dos concellos calculouse en base a uns criterios consensuados entre a Axencia Galega de Desenvolvemento Rural (Agader) e a Federación Galega de Municipios e Provincias (Fegamp).
Ata o de agora, o concello de Cervo executou os proxectos de mellora de camiños en Castelo, así como o acceso a Cabanas, a vía entre Cristo e Ruela e a estrada do cemiterio. Para os vindeiros meses hai previstas actuacións semellantes no camiño de San Román de Vilaestrofe e no de Santa María de Rúa.
Raquel Arias destacou que o Plan Marco é “un instrumento especialmente útil para manter en bo estado a extensa rede de camiños do rural galego, moi castigados pola climatoloxía e o tráfico de vehículos pesados, entre outras circunstancias”.
A delegada engadiu que “é vontade da Xunta que todos os núcleos de poboación dispoñan dos servizos públicos básicos, prestando especial atención ao rural dado que a mellora das condicións de vida e de traballo redundará na dinamización económica e a fixación de poboación moza nos pobos e aldeas”.
Neste sentido, na reunión cos veciños abordáronse outros proxectos para o futuro, como a rede de saneamento para a parroquia, sobre os que traballarán o concello e a Xunta de Galicia.
Raquel Arias puxo de manifesto “o valor da colaboración entre as administracións para optimizar os recursos e conseguir sacar adiante proxectos en beneficios dos lucenses”.
Nesta liña, indicou que o propio Plan Marco está financiado a un 75% con cargo ao Fondo Europeo Agrícola de Desenvolvemento Rural (FEADER), o MAGRAMA aporta un 12,13% dos fondos e a Xunta e as deputacións provinciais o 12,87% restante, mentres que os concellos pagan o Imposto do Valor Engadido (IVE) das actuacións. “Este reparto amosa a colaboración ordenada de todas as Administracións, baixo a coordinación da Xunta de Galicia”, expuxo Raquel Arias.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
