Santiago, 25 de maio de 2016.- O Pleno do Parlamento de Galicia vén de aprobar, co único voto favorable do Grupo Popular e o voto en contra de PSOE, BNG, AGE e Grupo Mixto, unha proposición non de lei na que insta ao Goberno galego a desenvolver o plan de acción deseñado pola Consellería do Mar en apoio da pesca costeira artesanal.
O voceiro popular de Pesca, Jose Manuel Balseiro, lembra que “o obxectivo desta iniciativa é impulsar un catálogo con seis medidas específicas dirixidas a mellorar a competitividade da flota de baixura e as condicións de traballo dos seus profesionais”.
Balseiro lembrou que “falamos dun segmento da flota que, xunto co marisqueo a pé, ten en Galicia unha relevancia social e económica de primeira orde” e fixo referencia aos últimos datos oficiais nos que se recolle que este sector representa o 85 por cento do total do número de buques, con entorno ás 3.871 unidades.
Os portavoz popular foi máis aló e destacou o xeito de financiar este programa, en concreto, a través das oportunidades que achegan os recursos procedentes do novo Fondo Europeo Marítimo e da Pesca (FEMP). Así, sinalou que Galicia recibirá máis da metade dos fondos dirixidos ás comunidades autónomas españolas (o 51 por cento) por un montante de 487 millóns de euros.
Oposición ausente
Balseiro lamentou moi especialmente a actitude amosada polos grupos da oposición que non só votaron en contra deste acordo, senón incluso non achegaron propostas alternativas. A intención da proposta do Grupo Popular era que a oposición puidera contribuír con novas ideas ao catálogo de medidas de apoio á flota de baixura deseñadas pola Xunta, pero todos renunciaron a esta posibilidade.
Balseiro manifestou “non entender como a oposición pode esquecer deste xeito a un sector tan relevante para a pesca galega e piden que reflexionen sobre a súa actitude destrutiva, incluso cando se ofrecen espazos de consenso”.
Seis medidas concretas
Entre as medidas contempladas e citadas polos populares están seis aspectos, que configuran as liñas mestras do futuro plan:
A primeira delas busca dar prioridade á flota costeira artesanal no acceso ás futuras axudas e subvencións, primando a este segmento nos procesos de concorrencia competitiva.
En segundo lugar, o Grupo Popular pide a posta en marcha dun plan de emprego, para promover e facilitar o relevo xeracional no ámbito da flota artesanal.
Tamén se demanda impulsar iniciativas de mellora da comercialización (con especial atención a produtos como o percebe, a navalla ou o ourizo e, en xeral do marisqueo) e de promoción, mellora da trazabilidade, información ao consumidor e apertura de novos mercados.
En cuarto lugar, a iniciativa do PPdeG insta á Xunta a reactivar as instalacións de produción de semente de moluscos bivalvos, para incrementar a capacidade produtiva das zonas pouco produtivas ou improdutivas.
Impulso das marcas e recursos
Como quito punto, reclámase o impulso das marcas de calidade e denominacións de orixe, partindo da positiva experiencia da marca PescadeRías, que desde a súa implantación logrou certificar millóns de quilos de produtos da pesca e o marisqueo capturados pola flota artesanal.
E, finalmente, a achega de recursos para incorporar nos buques de pesca as reformas que se estimen precisas para mellorar a eficacia enerxética, mellorar o valor engadido das capturas, mellorar as condicións de confortabilidade, hixiene e saúde, en definitiva, as condicións de traballo dos pescadores.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
