LUGO .- O Presidente da Deputación, José Ramón Gómez Besteiro, presentou este xoves dúas novas liñas de actuación incluídas no programa europeo Lug02 destinadas a mellorar a comercialización e a calidade dos produtos autóctonos das Reservas da Biosfera –Terras do Miño, Eo-Oscos-Terras de Burón e Ancares- e da comarca do Courel, a través da I+D+I.
Nota de Prensa
Gómez Besteiro adianta a creación dun portal web para a compra de produtos autóctonos on-line
– Os produtores poderán xestionar os seus produtos, chegando con facilidade ós seus clientes, evitando intermediarios na cadea de distribución e, polo tanto, mellorando e aumentando as posiblidades do seu negocio
– A Xunta de Goberno de mañá aprobará dúas liñas de actuación destinadas a mellorar a comercialización e a calidade dos produtos das Reservas e do Courel a través da I+D+I
– A iniciativa inclúese dentro do programa europeo Lug02, que conta con 5 millóns de euros, dos que xa se están executando 3.400.000, é dicir o 70% do total do proxecto
O Presidente da Deputación, José Ramón Gómez Besteiro, presentou este xoves dúas novas liñas de actuación incluídas no programa europeo Lug02 destinadas a mellorar a comercialización e a calidade dos produtos autóctonos das Reservas da Biosfera –Terras do Miño, Eo-Oscos-Terras de Burón e Ancares- e da comarca do Courel, a través da I+D+I. Gómez Besteiro destacou que “innovamos e creamos unha ferramenta que pretende ser un espazo común no que figurarán grande cantidade e variedade de produtos autóctonos baixo a marca de Lugo Sabe. Eu diría máis, ademais do I+D+I, van dirixidas a dúas letras fundamentais: a P e V. É dicir, producir e vender, que é realmente onde está esa ganancia. En definitiva, o que buscamos é revalorizar o produto agroalimentario a tráves dun programa integrado e favorecer que as empresas sexan máis competitivas”.
A primeira das iniciativas contempla a creación dunha canle de comercialización a través dun portal web no que se exporán os produtos das Reservas e do Courel. Esta vía comercializadora será on-line, é dicir, crearase a través da páxina web de Lug02. O titular provincial subliñou que “tamén será un espazo onde as cooperativas de agricultura ecolóxica recibirán asesoramento e poderán intercambiar experiencias sobre a comercialización dos seus produtos”.
Os produtores poderán xestionar os seus alimentos para posteriormente poñelos á venda nun tenda on-line, creándose así unha central de comercialización que permitirá ós produtores chegar con facilidade ós seus clientes, evitando intermediarios na cadea de distribución e, polo tanto, mellorando e aumentando as posiblidades do seu negocio. Ó mesmo tempo daráse a coñecer os produtos autóctonos das Reservas entre os produtores e empresarios galegos e nacionais.
Mellora da calidade
O segundo prego que se aprobará está destinado a mellorar a calidade dalgún produto alimentario. Esta mellora vai dende a hixiene, o empaquetamento, sistema de envasado conservación, elaboración e propiedades na cadea de produción, de tal xeito, que tamén se contribúe a súa comercialización e a súa difusión.
As dúas iniciativas súmanse a outras que xa puxo en marcha o organismo provincial dentro do programa medioambiental. É o caso do Sistema de Información Xeográfica (SIX), da medida destinada a axudar ós gandeiros á rentabilizar os residuos das súas explotacións ou da creación de Aulas da Natureza. Gómez Besteiro destacou que “o programa, dotado con 5 millóns de euros, está destinado a poñer en valor a riqueza medioambiental da provincia e a converter o medio ambiente nunha oportunidade económica. Nestes momentos, estamos executando 3.400.000 euros, é dicir, o 70% do total do proxecto. Rematarémolo a mediados do ano que vén, pero levamos unha liña de traballo moi intensa e moi positiva”.
O titular provincial explicou que no primeiro trimestre de 2010 coñeceranse os resultados destas dúas liñas de actuacións.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
A programación presentouse na Delegación Territorial de Lugo, nun acto no que participaron o delegado territorial, Alfonso Villares; o alcalde, Francisco Balado; e representantes da entidade organizadora. Villares lembrou que a asociación recuperou o ano pasado a tradicional celebración do Corpus Christi na parroquia e destacou o seu labor impulsando actividades que fortalecen a convivencia. A xornada comezará ás 13:00 horas coa misa e a sesión vermú, continuará ás 15:00 co xantar popular e incluirá sorteos, animación musical, unha cea a base de petiscos e verbena.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
