Ribadeo, 31 de maio de 2016. O goberno local de Foz sacrifica o seu programa para atender as propostas dos tres grupos da oposición no borrador de orzamento municipal para este ano 2016.
O alcalde focense, Javier Jorge Castiñeira, explicou hoxe que “onte o grupo de goberno entregou aos portavoces da oposición o borrador definitivo do orzamento para este ano 2016. É un documento co que se trata de buscar o consenso atendendo á maior parte das proposicións de todos os grupos e facendo un reparto xusto, sobre todo de investimentos e doutras propostas de gasto que os diferentes grupos formularon nas roldas de negociacións e xuntas de portavoces que houbo para preparalo. O equipo de goberno sacrifica o seu programa en aras de acoller as propostas de investimentos e obras que fixeron os tres grupos: BNG, Partido Socialista e Plataforma”.
O rexedor municipal especificou que a proposta de orzamento municipal para este ano “contempla, entre outros, investimentos como as novas instalacións da protectora de animais; unha senda peonil en Cangas; beirarrúas en Forxán, na estrada xeral; aglomerados en Fazouro, na estrada da Pampillosa concretamente; aglomerados en Cordido e na zona de Mañente, en Vilaronte; obras tamén no centro social de Nois e nos vestiarios do campo de fútbol de Vilaronte; e ademais saneamentos necesarios nas parroquias de Santa Cilla e San Acisclo. Ou sexa, todas as parroquias teñen o seu investimento nominativo concreto, que van desde os 15.000 ata os 60.000 euros. Ademais é importante tamén outra petición da oposición, da que hai un acordo plenario, que é o aumento das horas na escola de música, o que supón ao redor de 15.000 euros para incrementar case nun 20 por cento as horas que se están dando a día de hoxe. Contempla tamén un plan de emprego, como o do ano pasado, o compromiso cos traballadores municipais da suba pactada da Relación de Postos de Traballo (RPT) e a devolución de parte da paga extra do ano 2012. Supón case 200.000 euros o compromiso cos traballadores do Concello. Auméntase tamén o número de asociacións culturais e deportivas que teñen subvención para este ano 2016 e ademais increméntase un servizo importante, como é o de atención turística na basílica de San Martiño, porque consideramos necesario melloralo”.
Javier Castiñeira engadiu que “a maiores contémplase unha partida importante, que é devolver 200.000 euros daquelas licencias de obra concedidas no ano 2007, pois o Concello ten que facelo por resolución xudicial. Estes 200.000 euros xa se gastaron no seu momento por aquel goberno e tócalle a este devolvelos, o que non deixa de ser unha inxustiza”.
O alcalde destacou que “o goberno municipal sacrifica o seu programa e os seus investimentos para contemplar as proposicións da oposición. Isto é froito da negociación e do bo talante que eu entendo que hai na corporación municipal. Polo tanto considero que son uns orzamentos que poden ser perfectamente aprobados por todos os grupos, posto que se contemplan a maior parte das súas propostas. Incluso tense en conta a solicitude do BNG de dar uso ao remanente de máis dun millón de euros; nese caso contémplase o pago das facturas pendentes de exercicios anteriores e medio millón de euros para diferentes investimentos, entre eles a primeira fase da reforma do pavillón polideportivo, que pediu o BNG”.
O rexedor anunciou que esta proposta de orzamento municipal “en poucos días presentarase ao comité de empresa do Concello e quizais xa nun par de semanas poida ir a pleno. O documento final propón un orzamento de gastos próximo aos 7 millóns de euros e contempla un superávit de ao redor de 400.000 euros nos ingresos, para poder cumprir con elo a regra de gasto que nos establece o servizo de Intervención. Son uns orzamentos sociais, que cumpren perfectamente coas necesidades do pobo e que atenden á maior parte das peticións que se fixeron durante estes últimos anos tanto por asociacións e colectivos como por parte dos grupos municipais en diferentes plenos, nos que se aprobou facer eses investimentos”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
