BARREIROS (FNC) .- O Concello repuxo estes días o cruceiro de Viladaide que fora roubado hai algún tempo. O novo é obra de Puchades e Cruz, segundo contou esta mesma mañá o alcalde.
Alfonso Fuente sinalou que “nestes días xa foi reposto o cruceiro que fora roubado por descoñecidos, presentáramos denuncia pola desaparición deste cruceiro na zona do Cascabeiro, na parroquia de Viladaide, e ó final como non se atopou desde o Concello decidimos a construcción dun novo. Foi realizado en Mondoñedo coa colaboración entre Puchades e Cruz e hai uns días xa se colocaba”.
O rexedor barreirense dixo que “os veciños botaban moito en falla este cruceiro que está nunha zona privilexiada, nós xa tiñamos feito uns traballos de acondicionamento ó seu arredor para que non se cubrise de herba e agora hai que agardar a que vai envellecendo esa pedra, dado que se nota a diferencia entre a pedra antiga e a actual. O artista que fixo o cruceiro baseándose nunha foto do que tiñamos díxonos que nun par de anos a pedra estará toda igual”.
Volver á terra
Por outra banda, Alfonso Fuente confirmou que “hai uns días recibíamos unha comunicación no Concello de Barreiros da Secretaría Xeral para Emigración, na cual se nos informaba da chegada de veciños nosos que viven en Sudamérica que veñen pasar tres meses coas súas familias. Da provincia de Lugo hai tres veciños de Barreiros que son: Modesta Lombardero, José Domingo Martínez Rocha e a súa dona Sara López Castro. Chegan de Cuba e pasarán 15 días na residencia de tempo libre de Carballiño en Ourense. Nós estamos xestionando incluso a posibilidade de ir visitalos e logo pasarán ata completar os tres meses coas súas familias aquí en Barreiros”.
O rexedor engadiu que “nos agrada que con estes programas veciños nosos que levan moitos anos na emigración poidan visitar ós seus familiares e a terra onde naceron. É moi importante todo esto. E aquí estamos a programar unha visita a Arxentina para principios do vindeiro mes de decembro para visitar ós familiares dos nosos veciños que están a vivir alá para ver en qué situación están e tentar botarlles unha man”. Alfonso Fuente subliña que “o custe da viaxe será sufragado persoalmente e non a cargo do Concello. E tamén participarán os rexedores de Alfoz, Trabada e Lourenzá”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
