Lugo, 14 de xuño de 2016.- O Vicepresidente da Deputación, o nacionalista Antonio Veiga, recibiu no Salón de Plenos da Deputación Provincial xunto co Voceiro do BNG, Xosé Ferreiro, o voceiro do PSdeG-PSOE, Álvaro Santos, e o Deputado do PP, José Pardo, ao recentemente campión da Liga de Fútbol Sala de Primeira División, ao Burela Fútbol Sala Feminino.
O Burela Fútbol Sala Feminino obtivo esta tempada 2.015/ 2.016 o seu segundo título na Liga de Primeira División logo do alcanzado no ano 2.013, é o único club de todo o Estado que conta con equipas tanto femininas coma masculinas na máxima categoría do fútbol sala.
O acto presidido polo Deputado Delegado da Área de Deporte, Antonio Veiga e o presidente do CD Burela Fútbol Sala, Rubén Blanco serviu, en palabras do Vicepresidente, “para valorar o enorme esforzo que realizaron as xogadoras durante toda a tempada e tamén para por en valor o título conseguido para a Burela e para a provincia de Lugo, porque sen dúbida, son unhas magníficas embaixadoras de Lugo e máis concretamente da Mariña” e quixo expresar tamén “o apoio que a Deputación de Lugo continuará ofrendo ao Burela Fútbol Sala Feminino así coma as restantes equipas que aposten polo deporte feminino, porque sen dúbida queda moito traballo por facer para por en valor e promocionara igualdade na elite do deporte.
O presidente do CD Burela F.S. destacou “a inmensa alegría que leva producido e produce a equipa feminina do club e que a bo seguro seguirán dando, instou así mesmo as demais administracións a que apoien o deporte feminino”. Por último, a capitá da equipa sinalou o “ difícil que segue a ser para as mulleres que se recoñezan os seus esforzos no deporte de alta competición”, “aínda queda moito camiño por percorrer na promoción e igualdade no mundo do deporte” finalizou a xogadora do CD Burela F.S.
As xogadoras xunto co corpo técnico e presidente do club asinaronao finalizar o acto no Libro de Ouro da Deputación de Lugo co fin de Parabenizar a institución o apoio prestado e para que perdure no tempo o recoñecemento da fazaña deportiva conquistada.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
