Argelio Fernández Queipo, responsable da Área de Xestión Territorial da Deputación de Lugo, desprazouse a Alfoz para observar de primeira man as necesidades existentes nas estradas de titularidade provincial existentes no municipio. Argelio Fernández e Jorge Val visitaron diferentes puntos do concello para comprobar aquelas obras que necesitan prioridade no seu mantemento, como a LU- P- 0204 de acceso á parroquia do Pereiro, entre outras, ademais da limpeza de cunetas e desbroces, moi importantes nesta época, por ser un perigo, non so para o tráfico, senón tamén para a propagación de incendios. Entre as actuacións previstas tamén están dúas vellas aspiracións municipais, relativas á mellora da sinalización nas zonas da escola infantil de Carballido e do entorno no centro de saúde, lugares onde se tomarán medidas para a un maior control da velocidade.
Con estas actuacións preténdese dar resposta ás reivindicacións do goberno municipal de Alfoz en canto ao retraso na execución destas actuacións, debido, en gran medida á actual situación de bloqueo que se está vivindo na Deputación, xa que, “coa falta de aprobación dos presupostos, estase impedindo que certas inversións cheguen ao noso concello, como as que podían incluír a reparación destas estradas” tal e como apunta Val.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
