NOTA DE PRENSA
Rexistrarán iniciativas con este fin para que poidan ser obxecto de debate polas Corporacións Municipais de todos os concellos da Mariña
ALCALDES E VOCEIROS LOCAIS DO PP PROMOVERÁN UN ACORDO PLENARIO INSTANDO Á CREACIÓN DUNHA AUTORIDADE PORTUARIA PROPIA, E Á CONSIGNACIÓN DOS CARTOS NECESARIOS PARA A APERTURA AO TRÁFICO COMERCIAL DO DIQUE DE MORÁS
* Os populares perseguen que, a través dos distintos acordos municipais, se visualice o apoio dos entes locais ante unha reivindicación histórica da sociedade mariñá
A Mariña, 10 de novembro de 2009.- Despois de que o Ente Público autonómico Portos de Galicia anunciara a disposición favorable do actual Goberno galego para a creación dun novo porto comercial xeral aproveitando o dique de Morás e tamén respecto da creación dunha autoridade portuaria propia para a nosa provincia, os distintos alcaldes e voceiros locais do Partido Popular na nosa comarca promoverán a adopción dun acordo municipal plenario instando ao Goberno central –que é a administración competente- á facer realidade estes obxectivos.
A fórmula escollida para facer efectiva esta reclamación será a través da presentación dunha iniciativa (proposta de alcaldía ou moción municipal) que fará extensible este debate nas distintas Corporacións da comarca. Deste xeito, os populares pretenden poñer de relevo o apoio dos entes locais ante unha reivindicación histórica da sociedade mariñá.
Sobra explicar os efectos altamente positivos que a creación dun novo porto comercial suporía para o conxunto dos concellos da Mariña así como para a situación económica comarcal. Redundaría non só achegando novas oportunidades de emprego e riqueza senón tamén novas empresas que aproveitarían este porto para transportar as súas mercadorías. Se esta infraestrutura ademais pode ser completada coa creación dun ente xestor portuario autónomo exclusivo para a nosa provincia, garantiríamos que os beneficios xerados por este novo porto quedaran na Mariña, e puideran ser investidos na súa totalidade na nosa comarca
O Partido Popular inclúe tamén na súa iniciativa outras peticións: Por unha banda, demandan o Goberno central habilite unha partida orzamentaria específica dentro dos Presupostos Xerais do Estado, en cantidade suficiente para acometer os estudos e trámites administrativos previos á apertura do dique norte de Alcoa. Algo que o Executivo de Zapatero vén negando nos últimos anos.
UNHA ÚLTIMA OPORTUNIDADE PARA O BNG
Tampouco o BNG está a manter unha posición coherente a este respecto xa que, malia que ano tras ano afirma que condicionará o seu apoio aos orzamentos do Goberno central da existencia de consignación orzamentaria para a apertura do novo porto comercial xeral no dique norte de Alcoa, o certo é que sempre remata apoiando as contas de Zapatero, sen que contemplen esta actuación. Os populares queren dar unha nova oportunidade a esta formación política e ao resto dos grupos municipais para que, co seu voto favorable ao acordo que propoñen, poidan evidenciar o seu compromiso con esta reivindicación histórica.
CARA UNHA AUTORIDADE PORTUARIA PROPIA
En segundo lugar, o PP pide que as distintas corporacións municipais asuman como propio o acordo unánime acadado no Parlamento de Galicia e, deste xeito, amosen o seu apoio as tarefas que está a desenvolver a Xunta de Galicia para acadar unha maior representación lucense no seo do Consello de Administración da Autoridade Portuaria Ferrol-San Ciprián, con respecto aos representantes de Lugo e, nomeadamente da Mariña. O novo Goberno de Galicia asumiu este obxectivo despois de que, na pasada lexislatura, nin PSOE nin BNG fixeran nada por levalo á práctica.
Co nomeamento de César Aja, Raquel Árias, Pablo Fernández Asensio ou dos alcaldes de Xove ou Cervo (que xa formaban parte do Consello de Administración e que rotan a súa presenza no organismo con carácter anual) increméntase a representación lucense no seo da Autoridade Portuaria e, máis en concreto, no seu órgano de administración encargado de xestionar os recursos que se ingresan como consecuencia do tráfico portuario tanto nas instalacións de interese xeral de San Ciprián (concesión exclusiva de Alcoa) como no porto de Ferrol. En todo caso, os populares subliñan que avanzar neste camiño –o incremento da representación lucense- non sería máis ca unha medida temporal xa que a pretensión final é moito máis ambiciosa e pasa pola creación dunha autoridade portuaria propia e independente na Mariña.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
