Lourenzá, 29 de xuño de 2016.- Autores descoñecidos causaron durante a pasada noite numerosos danos en inmobles e vehículos municipais e no centro de saúde de Lourenzá. A alcaldesa, Rocío López, que denunciou os feitos hoxe no cuartel da Garda Civil de Mondoñedo, pide máis presenza policial no concello e tamén colaboración veciñal para intentar saber quen é o autor ou autores destes feitos. Os danos causados nos edificios ascenden a 5.500 euros e faltan por valorar os estragos ocasionados nos vehículos.
A rexedora municipal explicou “estragaron os cristais das ventás e das portas do centro de saúde, tanto as da parte de diante como as de detrás. Tamén romperon as ventás dun dos baños da piscina municipal. E no recinto feiral, en dúas naves que temos para carpintería, estragaron 48 cristais; ademais romperon todas as ventás da nave de formación, que está anexa a un local que ten a empresa concesionaria do servizo de auga municipal, Espina y Delfín, onde resultaron rotos todos os cristais. E ademais nun cobertizo que está xunto ás naves de carpintería causaron danos nos vehículos municipais que están alí aparcados: romperon todos os cristais dun camión elevador e ademais estragaron os cristais, os espellos, os limpaparabrisas e os faros dos vehículos de Protección Civil e das Escolas Deportivas”.
A alcaldesa considera que “son actos vandálicos que se repiten, pois hai uns días que ocorreron outros similares na depuradora e na Aula da Natureza. O procedemento é basicamente o mesmo, posto que o autor ou autores dos feitos utilizan un obxecto metálico co que rompen todo. E en tódolos casos causan os danos en bens municipais”.
Rocío López rematou comentando que “os prexudicados finalmente son todos os veciños do concello, porque os danos foron causados en instalacións e vehículos municipais. Estes feitos non poden quedar impunes e ademais non queremos que se volvan repetir, polo que poñeremos todos os medios para intentar evitalo. E pido colaboración veciñal para que se alguén viu algo sospeitoso que poida axudar a identificar ao autor ou autores que o comunique canto antes”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
