VIVEIRO .-O Presidente da Deputación, José Ramón Gómez Besteiro, e o Deputado da Área de Réxime Interior, Melchor Roel, anunciaron este luns no almorzo informativo cos empresarios da Mariña interesados no programa de “Empresa Familiar e Sucesión” a posta en marcha dunha nova oficina provincial que atenderá a todos os lucenses que residan no exterior.
Deste xeito, Gómez Besteiro destacou que este servizo será descentralizado da institución e canalizarase a través da oficina xa existente no Concello de Viveiro. “Non imos duplicar entes cando existe xa un oficina exemplar na provincia de Lugo. Iniciamos así, a descentralización ó tempo que contribuímos a dotar a oficina que xa existe e lle damos máis forza. A institución traballa para toda a provincia e nós non temos obsesión centralista”.
NOTA DE PRENSA
A Deputación únese ó Concello de Viveiro para crear a primeira oficina provincial da emigración
– En sintonía co acordado na viaxe do Presidente a Sudamérica, a oficina tamén ofrecerá asesoramento sobre posibles investimentos de carácter económico na nosa provincia
– A oficina está dirixida a canalizar a información entre a provincia de Lugo e a comunidade lucense que vive no exterior
O Presidente da Deputación, José Ramón Gómez Besteiro, e o Deputado da Área de Réxime Interior, Melchor Roel, anunciaron este luns no almorzo informativo cos empresarios da Mariña interesados no programa de “Empresa Familiar e Sucesión” a posta en marcha dunha nova oficina provincial que atenderá a todos os lucenses que residan no exterior.
Deste xeito, Gómez Besteiro destacou que este servizo será descentralizado da institución e canalizarase a través da oficina xa existente no Concello de Viveiro. “Non imos duplicar entes cando existe xa un oficina exemplar na provincia de Lugo. Iniciamos así, a descentralización ó tempo que contribuímos a dotar a oficina que xa existe e lle damos máis forza. A institución traballa para toda a provincia e nós non temos obsesión centralista”.
Esta medida é unha das primeiras consecuencias da viaxe institucional que a Deputación de Lugo fixo a Sudamérica e responde a unha das principais demandas dos emigrantes lucenses. “A través dun convenio de colaboración as dúas administracións porán en servizo esta oficina provincial que respalda o excelente traballo realizado polo servizo municipal de emigración e inmigración do Concello de Viveiro”.
O obxectivo desta oficina é mellorar a información e comunicación da comunidade lucense co exterior. “Establecer cauces de información coma este permite resolver moitas veces pequenas cousas para os lucenses que tiveron que emigrar como problemas. É o caso das herdanzas, cemiterios, partidas de nacemento, etc. Ademais, e isto é moi importante, prestará tanto información económica como dos posibles investimentos na provincia”, engadiu o titular provincial.
Pola súa banda, o Deputado de Réxime Interior agradeceu o continuo compromiso do Presidente da Deputación coa Mariña e recoñeceu o importante servizo que presta a oficina viveirense. “O novo servizo é un recoñecemento ós gobernos municipais que realmente se preocuparon polos emigrantes desde o principio e non só no período de eleccións. A oficina de Viveiro leva moitos meses traballando con excelentes resultados. Asimesmo, o traballo desta oficina foi respaldado en numerosas ocasións por asociacións e ONGs como Médicos sen Fronteiras”
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
