Lugo, 1 de xullo de 2016.- A Xunta de Galicia, a través da Consellería de Economía, Emprego e Industria, facilitará a contratación de 85 socorristas en 16 concellos da comarca da Mariña durante este verán, segundo explicou a delegada territorial, Raquel Arias, durante o encontro que mantivo hoxe, na praia da Rapadoira, cos profesionais que prestarán servizo no Concello de Foz.
Arias explicou que a Xunta propicia en conxunto a contratación de 112 efectivos que velarán durante o verán pola seguridade nas praias e piscinas dos 38 concellos da provincia que solicitaron este servizo.
A delegada participou, xunto co alcalde Javier Jorge Castiñeira, no izado da bandeira azul neste areal co distintivo de 30 anos. “O caso da Rapadoira é un caso único na Mariña posto que durante tres décadas ondeou sen interrupción a bandeira azul”, dixo Arias, quen desexou que continúe así no futuro e animou a que “todos poñamos o noso gran de area para logralo”.
Neste senso, a delegada da Xunta puxo en valor que Foz conte con seis das 22 praias da Mariña que teñen este distintivo, que recoñece a excelente calidade da auga, uns servizos axeitados e unha xestión ambiental sustentable.
No que atinxe ao investimento en axudas para a contratación de persoal de socorrismo, este supera os 335.000 euros, cifra algo superior á dedicada o pasado exercicio. Tamén se incrementou en cinco o número do concellos beneficiarios e en sete o de socorristas.
Segundo explicou Arias, “as axudas da Xunta de Galicia permiten aos municipios da costa contar con persoal suficiente para a vixilancia das praias durante os meses de tempada alta, pero tamén benefician a municipios do interior que contratan persoal de salvamento para atender as piscinas e as praias fluviais”.
Explicou así mesmo que neste intre algúns concellos non cubriron a totalidade das prazas ofertadas por cuestións administrativas ou por dificultades para contar con persoal debidamente cualificado. En calquera caso, segundo recalcou, dende a Xunta estase a autorizar o aprazamento do prazo para formalizar a contratación dos socorristas en aras “de colaborar e facilitarlle todo o posible a tramitación necesaria aos concellos e de asegurar a seguridade nas zonas de baño”.
Así, no conxunto da provincia e durante os meses de verán, 77 socorristas encargaranse de garantir a seguridade no litoral, 29 en piscinas e 6 en praias fluviais.
No que respecta á comarca da Mariña, exercerán labores de salvamento 85 socorristas, cinco deles en piscinas.
Estas axudas para a contratación de persoal de emerxencia enmárcanse na liña de cooperación administrativa entre a Xunta de Galicia e as administracións locais. Así, a consellería sufraga a totalidade dos custos laborais dos socorristas durante os meses de xullo e agosto, mentres que os concellos realizan as xestións de selección de persoal e contratación.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
