Ribadeo, 12 de xullo de 2016. En Ribadeo comezou a funcionar o tren turístico, que foi presentado este martes na Praza de España. O tren percorrerá durante todo o verán o casco vello, a vila e o porto de Porcillán e chegará ata a Illa Pancha, en horarios de mañá e tarde.
O alcalde, Fernando Suárez Barcia, explicou que “outro ano máis Ribadeo contará novamente cun tren turístico que o ano pasado a modo experimental estivo funcionando moi ben durante todo o verán. Foi unha atracción turística máis das que a xente goza, a xente de fora que ven a Ribadeo, a xente que nos visita, e tamén moitos veciños e veciñas do noso concello tamén o usaron”.
Suárez Barcia dixo que “este ano volve estar funcionando desde hoxe durante todo o verán aínda que este ano ten melloras para os usuarios e para o Concello. O circuíto aproximadamente é o mesmo, anda por todo o casco vello, a vila e todo o ámbito urbano, polo porto de Porcillán, chegando ata o faro da Illa Pancha cuns circuítos aproximadamente de tres cuartos de hora de duración en horarios de mañá e de tarde”. As saídas polas mañás serán ás 11, 12 e 13 horas e polas tarde ás 16, 17, 18, 19, 20 e 21 horas. O prezo dos billetes para os adultos será de 6 euros, 5 euros para os maiores de 65 anos e 4 euros para os nenos e nenas con idades comprendidas entre os 4 e os 12 anos. @s nen@s de 0 a 3 anos viaxan gratis.
O rexedor salientou que “agora os usuarios van ter unhas audioguías en varios idiomas, en galego, español e inglés que van explicando todo o que van vendo, todas as marabillas deste concello, que temos moito que ensinar e enorgullecernos aquí en Ribadeo”.
O alcalde ribadense indicou que “para o Concello este ano tamén é unha boa iniciativa porque o modo de adxudicación foi a través dun procedemento público e aberto, e as ofertas presentadas tiñan que puxar por un número económico mínimo tendo en conta que o Concello adxudicou este servizo por seis anos, fundamentalmente no verán, pero tamén queda aberto a outras datas como Semana Santa ou Nadal, pero obrigatorio soamente vai ser a tempada estival”.
Suárez Barcia engadiu que “para iso a empresa concesionaria comprometeuse a aportarlle anualmente ao Concello a cantidade de 7.340 euros a modo de canon. Iso é algo que cubre e incrementa notablemente o ingreso que supuxo o ano pasado para o Concello”.
O alcalde de Ribadeo cre que “a iniciativa e a xestión é boa e eu espero que lles vaia ben. Desde logo en Ribadeo preséntase como un ano tamén moi bo, seguramente imos ter moitos visitantes, xa os estamos tendo de feito desde hai tempo, pero agora a partir destes días que chega a tempada alta de verdade, confío que Ribadeo sexa un fervedoiro de xente e que tamén usen este tren turístico”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
