A delegada territorial, Raquel Arias, visitou este mércores xunto ao alcalde de Xove, Demetrio Salgueiro, ao alumnado do curso de socorrismo en espazos acuáticos naturais que financia a Xunta de Galicia, a través da Consellería de Economía, Emprego e Industria.
Esta é unha das 19 accións formativas de diversas especialidades que sufraga a Administración Autonómica na Mariña, dirixidas, prioritariamente, a persoas desempregadas (cursos AFD). No curso, promovido polo Concello de Xove e que se está a celebrar no consistorio e na piscina municipal, participan 12 persoas;10 homes e dúas mulleres.
Ademais deste, a Xunta aprobou dous cursos máis de socorrismo na provincia de Lugo, que está a impartir a Cruz Vermella na capital da provincia.
Durante a visita, Arias dirixiuse ao alumnado salientando “a vital importancia deste tipo de accións formativas que permiten acadar a cualificación necesaria para o exercicio profesional”, neste caso, engadiu Arias, “logo de superar as 438 horas de formación, o alumno recibirá un certificado de profesionalidade, que o capacita para realizar labores de salvamento, socorrismo e primeiros auxilios en espazos acuáticos naturais”.
A delegada recordou que nesta campaña de verán a Xunta financiou a contratación de 85 socorristas na comarca da Mariña, o que supón un investimento de máis de 335.000 euros, nese eido sinalou que “o alumnado que hoxe recibe formación estará perfectamente cualificado para velar pola seguridade dos bañistas, grazas a un curso de formación que se axusta ás necesidades do mercado e que constitúe unha vía de acceso ao emprego”.
En total, a Xunta destina 784.614 euros para a posta en marcha dunha vintena de accións formativas na comarca da Mariña. O máis demandado é o de atención sociosanitaria a persoas dependentes, do que se impartirán 7 cursos, un deles estase a desenvolver tamén no concello de Xove.
A programación de cursos AFD foi aprobada en base ás solicitudes dos promotores, que poden ser tanto administracións públicas como entidades sen ánimo de lucro e empresas. Na provincia lucense, concorreron ás axudas para organizar estes cursos 10 concellos, 24 empresas e 9 entidades.
Deste xeito, a Xunta inviste na provincia máis de 4,6 millóns no desenvolvemento destas accións formativas das que se poden beneficiar 1800 desempregados.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
